Category: Siúlóidí Um Thráthnóna

Siúlóid Samhraidh - Déardaoin, 7 Bealtaine 2026 - Deilginis

2/5/2026

Siúlóid éasca i nDeilginis agus an ceantar máguaird

Teacht le chéile: 6.30pm, Déardaoin, 7 Bealtaine 2026
ag Stáisiún Traenach Dheilginse

An tsiúlóid: Cairéal Chill Iníon Léinín, Bóthar Vico, Páirc Chnoc Chill Iníon Léinín, Páirc Dillon, Cuan na Coille Móire agus ar ais go Deilginis.
Mairfidh an tsiúlóid timpeall dhá uair a'chloig.

Beidh deoch againn i dtábhairne áitiúil tar éis na siúlóide

Treoraí - Daithí

Beidh fáilte roimh chách

Go siúla tú linn an Samhradh seo

0 Comments

Siúlóid Samhraidh - Déardaoin, 30 Aibreán 2026 - Maigh Nuad

21/4/2026

0 Comments

A chairde, chun tús a chur lenár gclár siúlóidí samhraidh i mbliana beidh turas againn ar bhaile stairiúil Mhaigh Nuad, agus ar an gceantar máguaird. Seo iad na sonraí.

Bealach na Siúlóide Maigh Nuad - An Chanáil Ríoga - Teach Carton - Maigh Nuad.
Mairfidh an tsiúlóid timpeall dhá uair a' chloig

Teacht le chéile - Stáisiún Traenach Mhaigh Nuad ag 6.30 i.n.
Treoraí - Brian

Beidh deoch againn i ndiaidh na siúlóide
Ar ndóigh ní bheidh aon ghá le buatais ná le trealamh sléibhe ar an tsiúlóid seo.
Fáilte Roimh Chách

Siúl Linn an Samhradh Seo

0 Comments

Siúlóid Éasca na Nollag - Dé Sathairn, 20 Nollaig 2025, Binn Éadair

14/12/2025

Chun an Nollaig (agus Grianstad an Gheimhridh) a cheiliúradh
Siúlóid i mBinn Éadair – ar an gcósta agus ar an gcnoc.

Teacht le chéile: 11:00 r.n. ag Stáisiún Dart Bhinn Éadair.
Stopfaimid ar an trá agus beidh picnic bheag againn - agus pióga mionra agus pórtfhíon te ar an mbiachlár.

Mairfidh an tsiúlóid 3.5 uair an chloig agus beimid ar ais sa sráidbhaile ~2:30 - 3:00 i.n.
Tar éis na siúlóide beidh deis againn greim bia a fháil, agus sólaistí eile - b'fhéidir sa Doghouse in aice an stáisiúin traenach, ach tá neart áiteanna eile sa sráidbhaile.

Treoraí: Eileen
Nóta: Chun tuilleadh eolais a fháil, téigh i dteagmháil linn ag [email protected]

TREALAMH AGUS FEISTEAS
Bí cinnte go bhfuil gach rud ar an liosta seo agat:
Hata Nollag, geansaí Nollag, soilse gealánacha ar do mhála droma, beanna saorga fia, féasóg bhán, pióga mionra féiltiúla.
Culaith snámha chun dul a shnámh leis na deilfeanna!

Chun an fhírinne a rá, NÍL an trealamh sin riachtanach, ach ná déan dearmad do chóta báistí a thabhairt leat, agus bróga oiriúnacha don chosán a bheidh fliuch agus lábach in áiteanna.

Siúlóid Samhraidh - Déardaoin, 28 Lúnasa 2025 - Siúlóid & Béile

14/8/2025

Beidh siúlóid ghearr againn an Déardaoin seo.

Teacht le chéile: Dún Laoghaire Lexicon ag 6.00.
Bealach na Siúlóide....Cuairt ar an Leabharlann - Páirc an Phobail - Bá Scotsman.

Beidh béile á chaitheamh againn san tábhairne The Eagle i nGlas Tuathail ag 7.30

Treoraí Daithí 087 410 3187 Fionn - an béile

Fáilte roimh éinne chun na bialainne nach mbeadh ag siúl .
Cuir téacs chugainn má tá sé ar intinn agat freastal ar an mbéile.

Fáilte roimh chách.

Siúlóid Samhraidh - Déardaoin, 21 Lúnasa 2025 - Tigh an Chnoic

7/8/2025

Tigh an Chnoic – Ticknock
Teacht le chéile: 6:30 pm, Carrchlós Thigh an Chnoic (O 171 241 nó N53.2537, W6.2466)
An tSiúlóid: Tigh an Chnoic, Binn Trí Charraig, (3 Rock), Fairy Castle, Carrchlós Thigh An Chnoic
Mairfidh an tsiúlóid 2 uair an chloig.

Treoraí: Tadhg

Treoracha go dtí tús na siúlóide:
On M50: Tóg an bealach amach ag Acomhal 13 do Áth an Ghainimh (Sandyford) agus Dún Droma. Ansin Bóthar Ghort an Bhreithimh (R133), Bóthar na Gráinsí (R822), Bóthar Bhaile Uí Cheallaigh, Bóthar Thigh an Chnoic, Carrchlós Thigh an Chnoic.
Ó Ráth Fearnáin: Bóthar na Gráinsí (R822), Bóthar Bhaile Uí Cheallaigh, Bóthar Tigh an Chnoic, Carrchlós Tigh an Chnoic.
Busanna on chathair go Ráth Fearnáin:
16 - Sráid Uí Chonaill (Stad 2575) go hEaglais Ráth Fearnáin/Yellow House (Stad 3565)
15B - Sráid Sheoirse Mhór Theas (Stad 2674) go hAscaill Ghort an Ime (Butterfield Avenue) (Stad 3465)

Bíonn sé deacair dul go Tigh an Chnoic gan ghluaisteán. Téigh i dteagmháil linn má bhíonn síob de dhíth ort ón Yellow House i Ráth Fearnáin.

Beidh deoch againn sa teach tábhairne, The Yellow House, 1 Bóthar Willbrook, i ndiaidh na siúlóide.

Beidh Fáilte roimh chách.

Siúlóid Samhraidh - Déardaoin, 14 Lúnasa 2025 - Leamhcán

6/8/2025

Is in iarthar na cathrach a bheidh ár dtriall an Déardaoin beag seo.

Bealach na Siúlóide - Diméin Leamhcáin agus Páirc Naomh Caitríona.
Teacht le chéile - McDonalds i Leamhcáin ag 6.30 i.n.
Busanna C3 nó C4 ón gcathair go stad 3887 nó bus 52 go stad 7186

Treoraí - Deaglán

Mairfidh an tsiúlóid timpeall dhá uair a 'chloig.
Beidh deoch againn sa teach tábhairne The Ball Alley i Leamhcán i ndiaidh na siúlóide

Fáilte Roimh Chách.
Siúil Linn an Samhradh Seo

<<Previous