Na Cnocadóirí

Na Cnocadóirí - Imeachtaí agus ócáidí curtha ar ceal

20/3/2020

Is gá dúinn cloí le comhairle Fheidhmeannacht na Seirbhíse Sláinte chun scaipeadh COVID-19 a sheachaint. Mar sin níor chóir dúinn aon imeacht ina mbeadh daoine ag teacht le chéile i ngrúpaí a eagrú.

Ní bheidh aon imeacht á eagrú ag Na Cnocadóirí go dtí go bhfógrófar a mhalairt.

Tá súil againn go dtiocfaidh gach duine agaibh slán as an éigeandáil seo agus go bhfeicfimid arís go luath sibh ar na sléibhte nó ag ócáid shóisialta éigin.

Seán Ó Fearghail
Rúnaí - Ar son choiste Na Cnocadóirí

0 Comments

Siúlóid Sléibhe - Dé Domhnaigh, 22 Márta 2020

16/3/2020

0 Comments

Tá an tsiúlóid seo curtha ar ceal de bharr
COVID-19

Nóta: BEIDH AN tSIÚLÓID SEO AG TOSÚ AG 10:45 r.n., níos luaithe ná mar is gnáth.

Siúlóid: Coill Bhaile Mhic Thorcail, Gleann Cuilinn, Cnoc na gCon, Cloch na gCon, An Gleann Dubh
Cur síos: Siúlóid mheánach, 4 – 4.5 huaire an chloig ag siúl.
Fad na siúlóide 16 km, Dreapadh 600 m

Áit chruinnithe: Do na daoine nach bhfuil an bealach go dtí tús na siúlóide ar eolas acu - Sráid Mhic Liam, os comhair an “Fitzwilliam Casino and Card Club” trasna na sráide ó IarOifigí BSL.
Imeoimid ag 9.30 r.n. go cruinn. www.cnocadoiri.com/treoracha.html
nó
Tús na siúlóide: Carrchlós Shlí Chualann ag Coill Bhaile Mhic Thorcail (Curtlestown Wood). Tagairt eangaí - O 185 169 nó N53.1886, W6.2279.
Tosóimid ag siúl ag 10:45 r.n.
NB – Tosóimid níos luaithe ná mar is gnáth.

Treoraí: Seán
Nóta: Má tá sé ar intinn agat teacht amach linn, téigh i dteagmháil linn roimh ré.

Treoracha go dtí tús na siúlóide: Ag teacht ó Bhaile Átha Cliath :- Gabh an R117 go dtí Áth na Sceire. Cas fó dheis ar an L1011 i dtreo Ghleann Crí. Gabh 4.6 km go dtí an carrchlós (Baile Mhic Thorcail - Curtlestown) ar thaobh na láimhe deise.
Nó ón Sean Bhóthar Míleata R115 cas ar clé i dtreo Ghleann Crí ar an L1011. Tá an carrchlós 5.5 km ar thaobh na láimhe clé.
Nó lean an nasc seo ar Google Maps go dtí tús na siúlóide.

Tá an tsiúlóid seo curtha ar ceal de bharr
COVID-19

0 Comments

AR CEAL Lá 'le Pádraig, 17 Márta - Myles na gCopaleen

11/3/2020

0 Comments

Tá an t-imeacht seo curtha ar ceal de bharr COVID-19

Beidh siúlóid le blas liteartha againn ar an bhFéile Náisiúnta
Ábhair na siúlóide - Briain Ó Nualláin (Myles na gCopaleen) – Cuimhní Clainne
Treoraí: Fionn Ó Gráda
Teacht le chéile: 11:00 r.n. ag Teach Tábhairne Goggins – Gar don Dart i mBaile na Manach.

Béile: 2:00 i.n. sa bhialann veigeánach Veggie Vibe, Margadh na Carraige Duibhe
Tá sé riachtanach áit a chur in áirithe le Fionn – tá spás ann do circa 15 duine.
Cuir post chugainn ag cnocadoiri@yahoo.com más mian leat lón bheith agat linn.

0 Comments

Ballraíocht

24/2/2020

0 Comments

Brúigh an cnaipe chun do bhallraíocht a athnuachan,
nó chun ballraíocht nua a ghlacadh

Ballraíocht

Má athnuann/ghlacann tú do bhallraíocht anois mairfidh sé go dtí deireadh mhí Dheireadh Fómhair 2020.

0 Comments

Dé Sathairn, 18 Aibreán 2020 - An Bhreatain Bheag

22/2/2020

0 Comments

An Bhreatain Bheag - Siúlóid cois cósta

8:00 am Bád Stena go Holyhead (Caergybi).
Siúlóid ar chósta thuaisceart Holy Island (Ynys Cybi).
Fad: 15 - 20 km (rogha), Dreapadh: 300 m
8:30 pm Bád Stena go Baile Átha Cliath (ar ais ag ~11:30 pm).

Costas: 50 Euro ar an mbád
Treoraí: Seán Ó Fearghail

0 Comments

Deireadh seachtaine fada na Bealtaine - 2,3,4 Bealtaine

21/2/2020

0 Comments

Deireadh Seachtaine fada mhí na Bealtaine
2, 3, 4 Bealtaine i nGleann Molúra

Beidh lóistín againn sa Wilderness Lodge.
Costas: €90 / €100
Beimid ag siúl ar an 2 agus 3 Bealtaine (agus b’fhéidir ar an 4 Bealtaine freisin).
Tá an deireadh seachtaine seo á eagrú ag Eileen.

Má tá suim agat bheith linn an deireadh seachtaine sin seol post chuig cnocadoiri@yahoo.com

0 Comments

<<Previous

Na Cnocadóirí - Imeachtaí agus ócáidí curtha ar ceal

Siúlóid Sléibhe - Dé Domhnaigh, 22 Márta 2020

AR CEAL Lá 'le Pádraig, 17 Márta - Myles na gCopaleen

Ballraíocht

Dé Sathairn, 18 Aibreán 2020 - An Bhreatain Bheag

Deireadh seachtaine fada na Bealtaine - 2,3,4 Bealtaine

Eolas fúinn

Do Bhallraíocht

Rannóga