Na Cnocadóirí

Siúlóid Sléibhe - Dé Domhnaigh, 14 Meitheamh 2026 - Na Beanna Boirche

9/6/2026

Siúlóid Sléibhe Mheánach: Na Beanna Boirche (Mourne Mountains), Sliabh Binneáin, Contae an Dúin
Fad na siúlóide - 12.0 km, Dreapadh - 570m
4.5 uair an chloig ag siúl.

Tús na siúlóide: Carrchlós ag 208 Head Road nó Carrick Little Car Park.
Tagairt eangaí - J 345 223 nó N54.12874, W5.94330
Bí ann ag 10:45 r.n. le bheith réidh chun tosú ag siúl ag 11:00 r.n.

Tá an carrchlós ag 208 Head Road saor in aisce ach níl a lán spáis ann. Tá carrchlós príobháideach ar an mbóthar (garbh, gan dromchla) i dtreo Carrick Little Glamping, nó ceann eile 300m uaidh ar Oldtown Road.

Treoraí: Breandán
Nóta: Má tá tuilleadh eolais uait téigh i dteagmháil linn ag [email protected].

Treoracha go dtí tús na siúlóide: Téigh ar an MI go dtí an tIúr (Newry) agus ansin beidh dhá rogha agat:
1 Lean an Mourne Coastal Route. Cas ar chlé 10km tar éis Ros Treabhair, chuig Áit Tí Chathail (Attical) agus ansin chuig Head Road.
2 Téigh ar Bhóthar Bhaile Hill (Hilltown Road) chuig Droichead Mhaigh Eo (Mayobridge) agus Baile Hill. Ansin ar Bhóthar Chill Chaoil (Kilkeel Road) i dtreo Áit Tí Chathail chun bualadh leis an Head Road.
Nó lean an NASC seo ar GoogleMaps go dtí tús na siúlóide.

Trealamh agus Feisteas: Bí cinnte go bhfuil gach rud ar an liosta seo agat. Trealamh agus feisteas

0 Comments

Siúlóid Samhraidh - Dé Máirt, 16 Meitheamh 2026 - Lá Bloom

7/6/2026

0 Comments

Ní bheidh siúlóid againn Déardaoin, 18 Meitheamh 2026.
Ina hionad beidh siúlóid chomórtha againn Lá Bloom, Dé Máirt, 16 Meitheamh

Teacht le chéile: 6.30 i.n. De Máirt, 16 Meitheamh 2026
os comhair "Columbia Mills", ag 14-15 Cé Sir John Rogerson (D02 E409)

Treoraí: Breandán

An tSiúlóid: San úrscéal Ulysses le James Joyce, siúlann duine de na príomhcharachtair, Leopold Bloom, thart ar 1.2 km ó Ché Sir John Rogerson go dtí an Chógaslann cháiliúil, Sweny, ag Plás Lincoln.
Sa tsiúlóid tráthnóna Dé Máirt, tabharfar cuairt ar chuid de na sainchomharthaí a dtéann Bloom tharstu ar a bhealach agus tabharfar cuntas gearr ar na foirgnimh shuntasacha agus ar na sráideanna stairiúla.
Léifear sleachta ábhartha den leabhar (i mBéarla).

Mairfidh an tsiúlóid timpeall uair an chloig.

Beidh deoch againn i teach tábhairne Kennedy, Rae an Iarthair tar éis na siúlóide - teach tábhairne a luaitear in Ulysses.

Beidh fáilte roimh chách

Go siúla tú linn an Samhradh seo

0 Comments

Siúlóid Samhraidh - Déardaoin, 11 Meitheamh 2026 - Dún Droma

5/6/2026

0 Comments

An Ceantar: - Dún Droma, Reilig Naithí agus Na Glasáin

Teacht le chéile: - 6.30 i.n.
ag Stáisiún Luas Bhaile Amhlaoibh (Balally) atá ar an line ghlas.

Treoraí Fionn

An tSiúlóid: Tugann teachíní Phembróc lena mbrící dearga carachtar ar leith do phríomhshráid Dhún Droma agus beidh amharc againn ar an oidhreacht thógtha.
D’fhág daoine mar Naomh Naithí, Dr Isaac Usher agus Na Deirfiúracha Yeats, bunaitheoirí Cuala Press, tionchar dearfa freisin.

Mairfidh an tsiúlóid timpeall dhá uair an chloig.

Beidh deoch againn sa teach tábhairne The Dropping Well tar éis na siúlóide, gar do Stáisiún Luas Bhaile an Mhuilinn.

Beidh fáilte roimh chách

Go siúla tú linn an Samhradh seo

0 Comments

Siúlóid Éasca - Dé Domhnaigh, 7 Meitheamh 2026 - Taiscumar Fheartraí

3/6/2026

0 Comments

Ní siúlóid sléibhe í an ceann seo.
Tosófar an tsiúlóid seo ag 11:00 r.n.
Siúlóid Éasca: Siúlóid timpeall Taiscumar Fheartraí, an Tóchar (Vartry Reservoir, Roundwood)
Fad na siúlóide - ~8 km, Dreapadh – 0 m, 3 uair an chloig ag siúl.

Treoraí: Christy

Tús na siúlóide: Carrchlós Fheartraí Uachtair
Tagairt eangaí O 204 038, nó N53.0716, W6.2053
Bí ann ag 10:45 r.n. le bheith réidh chun tosú ag siúl ag 11:00 r.n.

Má bhíonn tuilleadh eolais uait nó má bhíonn síob uait go dtí tús na siúlóide téigh i dteagmháil linn ag [email protected].

Treoracha go dtí tús na siúlóide: Gabh an M11 go Cill Mocheanóg agus ansin téigh ar an R755 go dtí an Tóchar. Díreach roimh lár an bhaile cas ar chlé ar an R765 - an bóthar go Baile an Chinnéidigh (Newtown Mountkennedy) agus Cill Chomhghaill (Kilcoole). Sroichfidh tú an t-ionad páirceála tar éis 1.3 km ar thaobh na láimhe clé.
Nó lean an nasc seo ar GoogleMaps go dtí tús na siúlóide

0 Comments

Siúlóid Samhraidh - Déardaoin, 4 Meitheamh 2026 - Leamhcán

31/5/2026

0 Comments

Siúlóid - Déardaoin, 4 Meitheamh 2026
Is in iarthar na cathrach a bheidh ár dtriall an Déardaoin beag seo.

Bealach na Siúlóide - Diméin Leamhcáin agus Páirc Naomh Caitríona.
Teacht le chéile - McDonalds i Leamhcáin ag 6.30 i.n.
Busanna C3 nó C4 ón gcathair go stad 3887 nó bus 52 go stad 7186

Treoraí - Deaglán Ó Néill

Mairfidh an tsiúlóid timpeall dhá uair a 'chloig.
Beidh deoch againn sa teach tábhairne The Ball Alley i Leamhcán i ndiaidh na siúlóide

Beidh Fáilte roimh Chách
Go Siúla tú Linn an Samhradh Seo

0 Comments

Siúlóid Sléibhe - Dé Domhnaigh, 31 Bealtaine 2026 - An Láithreach

20/5/2026

0 Comments

Siúlóid Sléibhe Mheánach: An Láithreach, Slí Chualann Nua, Foraois Bhrocaí, An Uilinn, An Bhrocach Thoir, An Bhrocach, Seansráidbhaile na Brocaí.
Fad na siúlóide - 12.5 km
Dreapadh - 500m
4.5 uair an chloig ag siúl.

Tús na siúlóide: Séipéal Naomh Caoimhín, An Láithreach.
Tagairt eangaí - T 140 968 nó N53.0106, W6.3024
Bí ann ag 10:15 r.n. le bheith réidh chun tosú ag siúl ag 10:30 r.n.

Treoraí: Daithí
Nóta: Má tá tuilleadh eolais uait téigh i dteagmháil linn ag [email protected]

Treoracha go dtí tús na siúlóide: Ag teacht ó Bhaile Átha Cliath - Téigh ar an M11 go Cill Mocheanóg, ansin ar an R755 go dtí an Tóchar agus an Láithreach. Sa Láithreach, cas ar dheis i dtreo Ghleann Dá Loch. Tar éis cúpla céad méadar, ag siopa McCoy, cas ar dheis arís ar Lána na Brocaí agus téigh go dtí deireadh an bhóthair sin. Tá carrchlós beag suite ag Séipéal Naomh Caoimhín.
Nó lean an NASC seo ar GoogleMaps go dtí tús na siúlóide.

TREALAMH AGUS FEISTEAS RIACHTANACH
Bí cinnte go bhfuil gach rud ar an liosta seo agat. Trealamh agus feisteas

0 Comments

<<Previous