Na Cnocadóirí

Siúlóid Samhraidh - Déardaoin, 23 Iúil 2026 - Leamhcán

20/7/2026

Leamhcán

An tSiúlóid: St Edmundsbury, Bruach na Life, Sráidbhaile Leamhcáin.

Teacht le chéile: 6:30 pm, an carrchlós trasna an bhóthair ó Eaglais Mhuire ar Bóthar Leamhcáin.
Tagairt eangaí - O 039 355 nó N53.3595, W6.4395.
Nó Eircode na heaglaise - K78 EY62

Treoracha go dtí tús na siúlóide: Tóg an M4 go dtí bealach amach # 3. Cas ar dheis i dtreo Shráidbhaile Leamhcáin agus cas ar clé ag Bóthar Leamhcán R835. Lean an bóthar sin ar feadh 900m. Coinnigh ar chlé ag an ngabhal agus tá an carrchlós ar dheis ansin.
Nó lean an NASC seo ar Google Maps.

Busanna: C3, C4 ón gcathair go stad 3365 (Eaglais Mhuire/St. Mary’s Church)
nó L54 ó Stad LUAS Red Cow,
nó X31 ag 17:00 ó Belfield
nó X32 ag 17:15 ó Belfield.

Treoraí: Deaglán

Mairfidh an tsiúlóid timpeall 2 uair an chloig.
Beidh deoch againn sa teach tábhairne, Kenny’s, Sráidbhaile Leamhcáin i ndiaidh na siúlóide.
Beidh Fáilte roimh chách.
Go siúla tú linn an samhradh seo

0 Comments

Siúlóid Sléibhe - Dé Domhnaigh, 26 Iúil 2026 - Cruachán Mhaigh Ráth

18/7/2026

0 Comments

Siúlóid Sléibhe Mheánach: Carrchlós Foraoise Dhroim Ghoth, Slí Chualann Nua, Cruachán Mhaigh Ráth, Mullach, Droim Fhán an Iarainn, Fán an Iarainn.
Fad: 13 km, Dreapadh: 550 m, 4 uair an chloig ag siúl.

Tús na siúlóide: Carrchlós Foraoise Dhroim Ghoth .
Tagairt eangaí - T 094 889 nó N52.9400, W6.3735.
Bí ann ag 10:45 le bheith réidh chun tosú ag siúl ag 11:00 r.n

Treoraí : Breandán
Nóta: Má tá tuilleadh eolais uait nó síob uait go dtí tús na siúlóide, nó chun síob a thabhairt, téigh i dteagmháil linn ag [email protected].

Treoracha go dtí tús na siúlóide: Ag teacht ó Bhaile Átha Cliath – Lean an N11 go dtí Cill Mocheanóg. Gabh bealach amach 8 (i dtreo R755 agus An Tóchar - Roundwood). Ag an timpeallán, gabh an ceathrú bealach amach ar R755 agus i ndiaidh 350m cas ar chlé ar R755. Tar éis 23km sa Láithreach, cas ar chlé ar R755. I ndiaidh 1.4km, gabh ar dheis ar L2083. Tar éis 7.7km, ag Gleann Molúra, díreach tríd an gcrosbhóthar I dtreo Achadh Mheánach (Aughavanagh), beidh an carrchlós ar do thaobh deas tar éis 3km.
Nó lean an NASC seo go tús na siúlóide ar GoogleMaps

TREALAMH AGUS FEISTEAS RIACHTANACH - Bí cinnte go bhfuil gach rud ar an liosta seo agat

0 Comments

Beárbaiciú an tSamhraidh - Dé Sathairn - 18 Iúil 2026

13/7/2026

0 Comments

Níl sé ró-dhéanach - cuir post ar ais chugainn ag [email protected] agus beidh áit agat ag an mBBQ, Dé Sathairn seo chugainn.
Ar ndóigh is féidir teacht chuig an BBQ gan dul ar an tsiúlóid - agus a mhalairt.

Seo iad na sonraí

----------
11:00: - Siúlóid Éasca chuig na Mianaigh Luaidhe, Carraig Uallacháin agus seanteampall Rath Mhichíl.
Fad: ~10km, dreapadh 250m,
2.5 uair an chloig ag siúl ar chosáin mhaithe.

Teacht le chéile: 10:30 ag teach Derval chun gluaisteáin a roinnt agus/nó sailéad nó milseog a fhágaint.
nó
Tús na siúlóide: 11:00 ag carrchlós Bharr na Slinneán (Barnaslingan Forest), Lana Bharr na Slinneán.
Tagairt eangaí O 223 204 nó N53.2203, W6.1701
(An Eircode is cóngaraí don charrchlós - D18 F634)
Stad Bus 3479 (Bus 44), an stad is cóngaraí, 2.3km ó thus na siúlóide.
Lean an nasc seo ar GoogleMaps go dtí tús na siúlóide.
Téigh i dteagmháil má tá síob go dtí tús na siúlóide uait.

----------
3.00 i.n. Fulacht Fia (nó Beárbaiciú) i dteach Derval i gCill Tiarnáin.
Mura bhfuil sé déanta agat cheana cuir r-phost chugainn ag [email protected] agus cuirfear seoladh Derval chugat.

Cuirfear bia te ar fáil - burgair, srl.
Abair linn má tá suim agat sailéad nó milseog a thabhairt leat.
Abair linn más feoilséantóir thú.
Tabhair leat cibé a mbeidh á ól agat

Bígí linn! Fáilte roimh chách.

Baill: Saor in aisce
Fáilte roimh neamhbhaill agus cairde (le Gaeilge) ach bheimis buíoch as síntiús 10 nEuro.

0 Comments

Siúlóid Samhraidh - Déardaoin, 16 Iúil 2026 - Tigh an Chnoic

11/7/2026

0 Comments

Tigh an Chnoic – Ticknock

Dáta: Déardaoin, 16 Iúil 2026
Teacht le chéile: 6:30 pm ar an bpointe ag carrchlós Thigh an Chnoic (O 171 241 nó N53.2537, W6.2466).
Eircode D18 E8RK
An tSiúlóid: Tigh an Chnoic, Binn Trí Charraig, (3 Rock), Fairy Castle, Carrchlós Thigh An Chnoic
Mairfidh an tsiúlóid 2 uair an chloig.

Treoraí: Tadhg

Treoracha go dtí tús na siúlóide:
On M50: Tóg an bealach amach ag Acomhal 13 do Áth an Ghainimh (Sandyford) agus Dún Droma. Ansin Bóthar Ghort an Bhreithimh (R133), Bóthar na Gráinsí (R822), Bóthar Bhaile Uí Cheallaigh, Bóthar Thigh an Chnoic, Carrchlós Thigh an Chnoic.
Ó Ráth Fearnáin: Bóthar na Gráinsí (R822), Bóthar Bhaile Uí Cheallaigh, Bóthar Tigh an Chnoic, Carrchlós Tigh an Chnoic.

Bíonn sé deacair dul go Tigh an Chnoic gan ghluaisteán. Téigh i dteagmháil linn ag [email protected] má bhíonn síob de dhíth ort.

Beidh deoch againn sa teach tábhairne, The Eden, Bóthar na Grains, i ndiaidh na siúlóide.

Beidh Fáilte roimh chách.
Go siúla tú linn an samhradh seo

0 Comments

Siúlóid Sléibhe - Dé Domhnaigh, 12 Iúil 2026 - Tóin le Gaoith

3/7/2026

0 Comments

Siúlóid Sléibhe Mheánach: Gleann Log an Easa, Tóin le Gaoith, Barr Clochach, Mullach Cliabháin Oirthear
Fad: 16 km, Dreapadh: 700 m,
5 uair an chloig ag siúl.

Áit chruinnithe: Sráid Mhic Liam Íochtarach os comhair Oifigí BSL - Clifton Hall (Eircode D02 XP89)
Imeoimid ag 9.30 r.n. go cruinn.
nó
Tús na siúlóide: Carrchlós Ghleann Log an Easa.
Tagairt eangaí - O 113 030 nó N53.0665, W6.3400.
Bí ann ag 10:45 le bheith réidh chun tosú ag siúl ag 11:00 r.n

Treoraí : Seán
Má tá tuilleadh eolais uait nó síob uait go dtí tús na siúlóide, nó chun síob a thabhairt, téigh i dteagmháil linn ag [email protected].

Treoracha go dtí tús na siúlóide: Tá an carrchlós gar do Eas Ghleann Log an Easa (Glenmacnass Waterfall), ar an mBóthar Míleata (R115) idir an Láithreach agus Baile Átha Cliath.
Ag dul ar an M11 ó Bhaile Átha Cliath, imigh den M11 ag Cill Mocheanóg agus téigh ar an R755 go dtí An Tóchar agus An Láithreach. Cas ar dheis sa Láithreach (ag tús an tsráidbhaile) ar an R115. Tá an carrchlós thart ar 7.5 km ón Láithreach, i ndiaidh an easa, ar thaobh na láimhe clé.
Nó lean an NASC seo go tús na siúlóide ar GoogleMaps

TREALAMH AGUS FEISTEAS RIACHTANACH
Bí cinnte go bhfuil gach rud ar an liosta seo agat - http://www.cnocadoiri.com/trealamh.html

0 Comments

Siúlóid Samhraidh - Déardaoin, 9 Iúil 2026 - Cluain Tarbh

30/6/2026

0 Comments

Glasbhealach Inbhear na Tulchann

Data: Déardaoin, 9 Iúil 2026
Teacht le Chéile - 6:30 i.n.
lasmuigh de Stáisiún Dart Bhóthar Chluain Tarbh

Bealach na siúlóide - Cluain Tarbh, an Glasbhealach ar Inbhear na Tulchann, timpeall Chalafort Áth Cliath agus ar ais.

Mairfidh an tsiúlóid timpeall 2 uair an chloig go leith

Beidh deoch againn sa teach tábhairne The Yacht tar éis an siúlóide

Treoraí: Jean

Beidh fáilte roimh chách
Go siúla tú linn an samhradh seo

0 Comments

<<Previous