Áit chruinnithe sa chathair

Dóibh siúd a bhíonn ag teacht ón gcathair, is iondúil go mbuailimid le chéile ar Shráid Mhic Liam Íochtarach os comhair Clifton Hall  trasna na sráide ó Oifigí Bhord Soláthair an Leictreachais (BSL). 

Comhúsáid carranna

Mar atá molta ag Sléibhteoireacht Éireann, eagraítear comh-úsáid carranna le laghdú ar an líon carranna ar na bóithre agus ar an líon carranna a fhágtar ag tús na siúlóide - go minic in áit nach bhfuil mórán spáis páirceála.
Tugann tiománaithe síob do dhaoine chuig na siúlóidí, agus ar ais chuig lár na cathrach. Dá bhrí sin ní mór €5 a thabhairt don tiománaí lena c(h)uid costas a ghlanadh. I gcás turais go háit níos faide ó bhaile ná Cill Mhantáin, ní mór síntiús níos mó a thabhairt. 

Níl sé i gceist go ndéanfadh tiománaí brabús as an síntiús. Cuimhnigh go bhfuil seirbhís an-mhaith á cur ar fáil acu siúd a thagann go rialta go dtí an láthair chruinnithe i lár na cathrach.  Trí chleachtas mar seo a bheith againn, seachnaíonn sé an gá go mbeadh ar an tiománaí síntiús a lorg. 
Ar scáth a chéile a mhaireann na daoine! Gabhaimid buíochas leo siúd a thugann síob go rialta. 

Buail linn ag túsphointe na siúlóide

Níor mhaith leat teacht go lár na cathrach?  Níl dochar ann! Is féidir leat bualadh linn ag tús na siúlóide chomh maith. Scaiptear eolas faoin ionad tosaithe ar ríomhphost an tseachtain roimh gach siúlóid. Go hiondúil tosaíonn siúlóidí ag 10.45 r.n. 

Más mian leat d'ainm a chur ar a liosta chun ríomhphoist faoi na sonraí a fháil uainn go rialta déan teagmháil linn.