Trealamh agus feisteas

Ní mór na rudaí seo a leanas a thabhairt leat

• Buataisí láidre siúlóide, nach scaoileann isteach uisce.
  
• Cóta báistí, caipín, lámhainní, bríste báistí.
  
• Lón maith, deoch the, uisce (1.5-2 lítear)

• Tóirse maith uiscedhíonach agus bataire spártha (seiceáil é roimh gach siúlóid)
• Feadóg
  
• Bia breise (ceapairí, brioscaí, seacláid)
  
• Mála marthanais (survival bag - ar fáil i siopaí campála ar phraghas íseal)
  
• Uachtar gréine a bhfuil SPF ard aige
  
• Athrú éadaí le cur ort tar éis na siúlóide

D'fhéadfadh nach ligfí do dhaoine teacht ag siúl mura mbeidh na nithe sin thuas ar fad acu. Má bhaineann gortú nó lagar do shiúlóir, nó má théimid amú, d'fhéadfadh moill a bheith orainn ag teacht anuas as na cnoic; sa chás sin, bheadh na nithe sin thuas ar fad de dhíth ar gach siúlóir.  

Cinntigh go bhfuil do dhóthain uisce agat ar shiúlóidí sa samhradh. 
Teastaíonn idir 1.5 agus 2 lítear uisce ar lá te. 

 NÁ DEARMAD GUR SPÓRT DAINSÉARACH Í AN CHNOCADÓIREACHT AGUS GUR ORT FÉIN ATÁ AN FHREAGRACHT AGUS TÁ Á DÉANAMH. CAITHFIDH DAOINE BHEITH RÉASÚNTA ACLAÍ FREISIN.

An Timpeallacht
Cloíonn Na Cnocadóirí le polasaithe Chomhairle Sléibhteoireachta na hÉireann maidir le meas a léiriú don timpeallacht i gcónaí. Gach rud a thugann tú leat i do mhála, tóg abhaile sa mhála leat é ag deireadh an lae agus ná fág rian ar bith i do dhiaidh ar na sléibhte. Tá tuilleadh eolais ar fáil ar  http://www.mountaineering.ie/accessandconservation/viewdetails.asp. 

Sábháilteacht
Aon duine a bhfuil fadhb shláinte aige/aici, ní mór dó/di é sin a chur in iúl don treoraí roimh thús na siúlóide.