Category: Imeachtaí Sóisialta/cultúrtha

Siúlóid Éasca - Dé Domhnaigh, 18 Eanáir 2026, Áth na Sceire

11/1/2026

Siúlóid Éasca: Áth na Sceire (Enniskerry), Cosán aifrinn, Seanséipéal Chill Adhgair, Coill Chnoc Sinche
Fad: 8 km, Dreapadh: 200 m, 3 uair an chloig ag siúl.

Ní siúlóid sléibhe í an tsiúlóid seo. Beimid ag siúl ar chosán aifrinn, ar chonair coille agus i bpáirceanna féir a bheidh fliuch agus lábach in áiteanna. Moltar buatais (éadroma) a chaitheamh.
Tabhair úll nó meacan dearg leat le tabhairt do na capaill a bhuailfidh linn ar an mbealach.

Áit chruinnithe: Sráid Mhic Liam Íochtarach os comhair Oifigí BSL - Clifton Hall (Eircode D02 XP89)
Imeoimid ag 10.00 r.n. go cruinn.
Nó
Tús na siúlóide: An carrchlós in Áth na Sceire - Carrchlós Inse an Phortaigh (Bog Meadow Car Park)
Tagairt eangaí – O 224 175 nó N53.1940, W6.1701.
Bí ann ag 10:45 r.n. le bheith réidh chun tosú ag siúl ag 11:00 r.n.

Treoraí: Seán

Nóta: Má tá tuilleadh eolais nó síob uait nó síob le tabhairt téigh i dteagmháil linn, lá roimh ré.

Treoracha go dtí tús na siúlóide: Ó Bhaile Átha Cliath, lean an nasc seo ar GoogleMaps go dtí tús na siúlóide

Tógadh Cill Adhgair sa 9ú céad, agus deirtear gur leag saighdiúirí Chromail an chuid is mó de. Sa reilig tá roinnt leac uaighe Lochlannach.
Seo cúpla nasc chuig tuilleadh eolais:
Leaca Chill Adhgair
Séipéal Chill Adhgair

0 Comments

Dinnéar na Nollag - 13 Nollaig 2025 - MV Cill Áirne

4/11/2025

Arís, beidh Dinnéar na Nollag ag Na Cnocadóirí sa bhialann ar an mbád ar an Life.
Áit: Cill Áirne, Cé an Phoirt Thuaidh, Cé 16, BÁC 1, D01 XE03.
    Os Comhair an Ionaid Chomhdhála
Am:  6:00 i.n.  Dé Sathairn, 13 Nollaig 2025
Ach má bhíonn tú ann ó 5:30 ar aghaidh beidh an beár ar oscailt.
Praghas:  60 Euro, agus seirbhís san áireamh.

Má bhíonn suim agat teacht, bheimis buíoch dá bhféadfá an 60 Euro a íoc go luath, ach roimh 2 Nollaig 2025.

Is é an bealach is éasca chun íoc as an dinnéar ná íocaíocht leictreonach a dhéanamh díreach isteach i gcuntas an Chlub.

NÁ DÉAN DEARMAD D’AINM A CHUR LEIS AN ÍOCAÍOCHT.
Ansin cuir ríomhphost chuig [email protected] chun a chur in iúl go bhfuil an íocaíocht déanta agat.

Má bhíonn deacrachtaí agat íocaíocht a dhéanamh ar líne, nó mura mbíonn sonraí an chuntais agat, téigh i dteagmháil linn ag [email protected].
Tar éis an dinnéir, má bhíonn fonn ar dhaoine, beimid in ann fanúint ar an mbád ag ól - mar a rinneamar anuraidh.

NÓTA: Beidh siúlóid measartha éasca againn Dé Domhnaigh, 14 Nollaig 2025.

Agóid Náisiúnta na nGael - 20 Meán Fómhair 2025 - Baile Atha Cliath

12/9/2025

Beidh cuid againn ag teacht le chéile sa chaifé Arboretum Urban Green, os cionn siopa leabhar Chapters i Sráid Parnell ó 12:30 pm ar aghaidh.

Má bhíonn suim agat, beidh sé go deas má bhíonn tú ann linn, chun cupán caife a fháil (ach ni bheidh aon ghá leis sin) agus páirt a ghlacadh san agóid inár bhfoireann.

Siúlóid Éasca - Dé Domhnaigh, 6 Iúil 2025 - An tInbhear Mór

27/6/2025

Siúlóid Éasca: Bruach Abhainn Abhóca, Coill Ghleann Airt, An tInbhear Mór
Ní siúlóid sléibhe í seo, ach tá seans go mbeidh an cosán lábach in áiteanna.
Fad: 10 km, gan aon dreapadh
3.5uair an chloig ag siúl

Tús na siúlóide: 11:00 r.n. ag Carrchlós na Príomhshráide san Inbhear Mór (Arklow). Eircode Y14 F960.
Tagairt eangaí: T 244 735 nó N52.7986, W6.1561

Lean an nasc seo go dtí tús na siúlóide
nó https://maps.app.goo.gl/c6mkRaCHiCJVdxSv6

Taisteal: Expressway Bus 2 as Busáras ag 08:25 go dtí Arklow Tourist Office.
https://www.expressway.ie/route/2/dublin-airport-to-wexford/2025-06-02

(Níl aon traein oiriúnach ar fáil Dé Domhnaigh ag an am sin
https://www.irishrail.ie/getmedia/2eaa16f8-4645-4cd7-a1a2-83c1665f701b/08_dublin-rosslare.pdf)

Treoraí: Colm
Nóta: Má bhíonn tuilleadh eolais uait, nó má bhíonn síob uait nó síob le tabhairt agat téigh i dteagmháil linn.

Tar éis na siúlóide beidh sólaistí againn san Inbhear Mór.

Turas Treoraithe - Dé Sathairn, 14 Meitheamh 2025, Acra an Bhulaí

5/6/2025

2:00 i.n. Turas treoraithe trí Gaeilge
"Acra an Bhulaí" nó "Bully's Acre", i gCill Mhaighneann.
Le treoraí ón OPW, arna eagrú ag Breandán dos Na Cnocadóirí.

Tá dhá rogha agat:-
1 Teacht le chéile ag Stáisiún Houston ag 1:00i.n.
Beidh Breandán ag príomhbhealach isteach Stáisiún Heuston, os comhair stad an LUAS.
Inseoidh sé faoi stair Stáisiún Heuston, Ospidéal Dochtúir Steeven, an Ospidéil Ríoga agus Iar-Mhainistir Naomh Eoin.
Buailfimid leis an OPW ag geata Acra an Bhulaí ag 1.55i.n.
NÓ
2 Téigh díreach go dtí Acra an Bhulaí ag 1:55pm

Treoracha: Má bhíonn tu ag teacht ó sráidbhaile Chill Mhaighneann, siúil trí Thúr Gheata Richmond, ar an ascaill i dtreo an Ospidéil Ríoga (IMMA) Tar éis 100m, beidh geata Acra an Bhulaí ar do thaobh chlé.

Tá an turas leis an OPW saor in aisce. Ach chun meastachán a fháil ar an líon daoine a bheidh ann beimid buíoch má théann tú i dteagmháil linn ag [email protected] .

Siúlóid Threoraithe - Dé Sathairn, 5 Aibreán 2025 - An Port Thoir

30/3/2025

Siúlóid Oidhreachta; An Port Thiar, an ceantar máguaird agus tithíocht
Tá an tsiúlóid seo á heagrú mar chuid de Fhéile Ealaíon na Cúig Lóchrann (Five Lamps Arts Festival)

Dáta/am: Dé Sathairn, 5 Aibreán, 2025 ag 11:00 r.n.

Fad: Thart ar 2.5km. Turas uair an chloig go leith, a thosófar agus a chríochnófar ag Ionad Pobail Sheáin Uí Chathasaigh (Seán O'Casey Community Centre).

Teacht le Chéile: Lasmuigh d'Ionad Pobail Sheáin Uí Chathasaigh, 18-26 Bóthar Naomh Muire Thuaidh, BAC 3, D03 AY74.

An tSiúlóid: Turas treoraithe neamhfhoirmiúil é seo, trí mheán na Gaeilge, ar cheantar an Phoirt Thoir. Tabharfaimid cuairt ar Ionad Pobail Sheáin Uí Chathasaigh, agus ansin siúlfaimid trí cheantar an Phoirt Thoir agus beimid ag díriú ar fhorbairt stairiúil uirbeach agus ar oidhreacht an cheantair

Treoraí: Breandán, a bhfuil an-eolas aige ar ailtireacht agus ar stair an cheantair.

Tá ticéid ar fáil, saor in aisce, ar EventBrite ag an NASC SEO.

Má bhíonn tuilleadh eolais uait téigh i dteagmháil linn ag [email protected].

<<Previous