Category: Imeachtaí Sóisialta/cultúrtha

Covid-19, Imeachtaí ar ceal

24/12/2020

Bhí siúlóid le bheith againn Dé Domhnaigh, 27 Nollaig 2020. Tá an tsiúlóid sin curtha ar ceal.
Toisc an tír ar fad bheith curtha ar Leibhéal 5 de shrianta Chovid-19 ní bheidh aon imeacht á eagrú ag Na Cnocadóirí go dtí go bhfógrófar a mhalairt.

Tá súil againn go dtiocfaidh gach duine slán as an éigeandáil seo agus go bhfeicfimid arís go luath tú ar na sléibhte nó ag ócáid shóisialta éigin.
Go raibh Nollaig mhaith agat agus bliain rathúil i 2021.

0 Comments

Siúlóid & Picnic na Nollag - Dé Sathairn, 19 Nollaig 2020 - Páirc an Fhionn Uisce

15/12/2020

0 Comments

Siúlóid agus picnic, Páirc an Fhionn Uisce,
Dé Sathairn, 19 Nollaig 2020.

Teacht le Chéile: Príomh Gheataí na Páirce ag 11.15 r.n.

Siúlfaimid chomh fada le Teach Farmleigh agus beidh ár bpicnic againn ansin.

Mairfidh an tsiúlóid 4 uair a chloig (picnic san áireamh) – nó féadfar éirí as níos luaithe ag Caisleán Chnucha nó ag Séipéal Iosóid.

Tá Sráid Gheata na Páirce in aice le Stad Luas Heuston.
Seo na busanna a stadann in aice láimhe - 145, 26, 66, 66a agus 70.

Treoraí: Bláithín

COVID-19: Ní mór dúinn cloí leis na treoirlínte chun fanacht sábháilte.

0 Comments

Bronnadh Gradaim ar Na Cnocadóirí – 13 Deireadh Fómhair 2020

1/10/2020

An Séala Eorpach Teanga – European Language Label
Tá Léargas (aonad sa Roinn Oideachais atá á mhaoiniú ag an gCoimisiún Eorpach) tar éis An Séala Eorpach Teanga a bhronnadh ar Na Cnocadóirí. Tá an gradam á bhronnadh orainn chun aitheantas a thabhairt don obair atá déanta againn thar na blianta chun úsáid na Gaeilge a chur chun cinn agus do na deiseanna a chuireamar ar fáil do dhaoine a gcuid Gaeilge a labhairt, a chleachtadh agus a úsáid.
Bronnfar an gradam ag imeacht beag ar líne ar an 13 Deireadh Fómhair. Má tá suim agat bheith ag an imeacht sin, lean an nasc seo chun clárú.
https://www.eventbrite.ie/e/european-language-label-and-etwinning-awards-tickets-118130863593

Oíche Chultúir - Droim Conrach, Stair agus Oidhreacht, 18/9/2020

8/9/2020

18 Meán Fómhair 2020
Mar chuid de Oíche Chultúir beidh cúpla imeacht á eagrú againn

Siúlóid a thabharfaidh deis dúinn eolas a chur ar ghnéithe de stair Dhroim Conrach.
Beidh eolas á roinnt ar sheanfhoirgnimh agus ar eastáit an cheantair.
Tabharfaimid cuairt ar Champas na Naomh Uile agus Coláiste Phádraig chun eolas a fháil ar na seantithe atá istigh iontu.
Rachaimid ar thóir daoine cáiliúla sa cheantar nó a bhfuil tagairt dóibh in ainmneacha na háite agus ar ndóigh, tabharfaimid cuairt ar sheaneaglais agus ar reilig!
Críochnóimid ag an teach tábhairne stairiúil sin The Cat and Cage a raibh baint aige le hÉirí Amach 1798.

Teacht le chéile: 6:00 pm os comhair Theach Chnoc an Mhuilinn / Millmount House, Bóthar Dhroim Conrach
Beimid ag stopadh go minic agus mairfidh an turas thart ar uair an chloig

Treoraí : Seán

Covid-19: Ní mór dúinn cloí leis na treoirlínte chun fanacht sábháilte.

Oíche Chultúir - Brian Ó Nualláin (Myles na gCopaleen), Cuimhní Clainne - 18/9/2020

8/9/2020

18 Meán Fómhair 2020
Mar chuid de Oíche Chultúir beidh cúpla imeacht á eagrú againn

Siúlóid le blas liteartha i mBaile na Manach agus sa Charraig Dhubh.
Chaith Myles agus a theaghlach an mhórchuid dá saol sa cheantar sin. Scríobhadh An Béal Bocht, The Third Policeman agus roinnt dá shaothar eile sa teach in Ardán Abhóca.
Tabharfar gnéithe de shaol agus de shaothar an teaghlaigh chun cuimhne agus sinn ag siúl thar láithreacha luaite sa saothar sin.
Fáilte romhat do dheartháir nó do dheirfiúr a thabhairt leat!

Ábhair na siúlóide - Briain Ó Nualláin (Myles na gCopaleen) agus Clann Uí Nualláín
Treoraí: Fionn
Teacht le chéile: 6:00 pm os comhair Theach Tábhairne Goggins i mBaile na Manach.
Bealach na Siúlóide: Ó Bhaile na Manach go dtí an Charraig Dhubh trí Chearnóg Belgrave.
Beimid ag stopadh go minic agus mairfidh an turas thart ar uair an chloig

Covid-19: Ní mór dúinn cloí leis na treoirlínte chun fanacht sábháilte.

Siúlóid Liteartha - Dé Domhnaigh 30 Lúnasa 2020

22/8/2020

Beidh siúlóid le blas liteartha againn

Ábhair na siúlóide - Briain Ó Nualláin (Myles na gCopaleen) agus Clann Uí Nualláín
Treoraí: Fionn Ó Gráda
Teacht le chéile: 11:00 r.n. ag Teach Tábhairne Goggins – Gar don Stáisiún Dart i gCnoc an tSalainn / mBaile na Manach.
Bealach na Siúlóide: Ó Bhaile na Manach go dtí an Charraig Dhubh trí Chearnóg Belgrave agus Ardán Abhóca.
Beimid ag stopadh go minic agus mairfidh an turas thart ar dhá uair an chloig -

Cuir post chugainn ag cnocadoiri@yahoo.com más mian leat bheith amuigh linn.

Beidh an turas céanna againn mar chuid de Oíche Chultúir, 18 Meán Fómhair. Seo do sheans réamhléiriú a fháil gan na sluaite!

Beidh fáilte roimh chách.
Nóta: Ní mór dúinn cloí leis na treoirlínte chun fanacht sábháilte.

<<Previous

Covid-19, Imeachtaí ar ceal

Siúlóid & Picnic na Nollag - Dé Sathairn, 19 Nollaig 2020 - Páirc an Fhionn Uisce

Bronnadh Gradaim ar Na Cnocadóirí – 13 Deireadh Fómhair 2020

Oíche Chultúir - Droim Conrach, Stair agus Oidhreacht, 18/9/2020

Oíche Chultúir - Brian Ó Nualláin (Myles na gCopaleen), Cuimhní Clainne - 18/9/2020

Siúlóid Liteartha - Dé Domhnaigh 30 Lúnasa 2020

Eolas fúinn

Do Bhallraíocht

Rannóga