分类: Imeachtaí Sóisialta/cultúrtha

Siúlóid Threoraithe - Dé Sathairn, 29 Márta 2025 - Duga Spenser

24/3/2025

Siúlóid Oidhreachta; Duga Spencer agus an ceantar máguaird
Tá an tsiúlóid seo á heagrú mar chuid de Fhéile Ealaíon na Cúig Lóchrann (Five Lamps Arts Festival)

Dáta/am: 11:00 am, Dé Sathairn, 29 Márta, 2025

Fad: Thart ar 2.5 km. Mairfidh an turas ar fad uair an chloig go leith agus beimid ag tosú agus ag críochnú ag Duga Spencer.
Teacht le Chéile: An pháirc bheag phoiblí in aice Stáisiún Luas Dhuga Spencer, BÁC 3.

An tSiúlóid: Turas treoraithe neamhfhoirmiúil é seo, trí mheán na Gaeilge. Beidh an tsiúlóid dírithe ar oidhreacht ailtireachta agus innealtóireachta Dhuga Spencer agus an cheantair máguaird.

Treoraí: Breandán, a bhfuil an-eolas aige ar ailtireacht agus stair an cheantair.

Tá ticéid ar fáil, saor in aisce, ar EventBrite ag an NASC SEO.

Má bhíonn tuilleadh eolais uait téigh i dteagmháil linn ag [email protected] nó le Breandán.

Siúlóid Staire - SeanTeampaill BhÁC - Dé Sathairn, 8 Márta 2025

2/3/2025

Séipéil Réamh-Normannacha Bhaile Átha Cliath

Teacht le chéile: Lasmuigh d’Ardeaglais Theampall Chríost (Christchurch), Plás Theampall Chríost (díreach taobh istigh den phríomhgheata).
Am: 10:30 r.n. Dé Sathairn, 8 Márta 2025

An tSiúlóid: Beidh an turas treoraithe seo ag díriú ar iarsmaí na n-eaglaisí réamh-Normannacha i ndeisceart chathair Bhaile Átha Cliath. Breathnóimid ar an ailtireacht atá fós ann agus ar na rianta foirgneamh agus struchtúr a tógadh roimh 1170 AD. Cuirfear tús leis an tsiúlóid ag Teampall Chríost, agus pléifimid na fianaisí seandálaíochta atá ann do Theampaill Naomh Mícheál le Pole (Mac Táil), Naomh Peadar, Naomh Pádraig agus Naomh Caoimhín.
Mairfidh an tsiúlóid timpeall 1.5 huaire an chloig, ó Phlás Theampall Chríost go Rae Camden / Sráid Loch Garman.

Treoraí: Breandán

Beidh fáilte roimh chách.

Beidh deoch nó rud beag le hithe againn in áit éigin in aice láimhe ag deireadh na siúlóide.
NB Beidh an turas i mBaile an Chinnéidigh ag 2:00pm i ndiaidh an chinn seo , má bhíonn síob uait téigh i dteagmháil linn.

Siúlóid Éasca - Dé Domhnaigh, 16 Feabhra 2025 - Camino na Bóinne

4/2/2025

Siúlóid Éasca: Cuid de Camino na Bóinne.
An Seandroichead go Droichead Átha ar Na Rampair ar bhruach na Bóinne agus ar ais go dtí an Seandroichead ar an mbruach eile agus ar sheanbhóthar Bhaile Shláine.

Fad: 10 km, 3 uair an chloig ag siúl.
Ní siúlóid sléibhe í seo, agus oirfidh bróga reatha di.

Tús na siúlóide: 11:00 r.n. ag carrchlós Choill Halla an Toinlígh (Townley Hall Woods Car Park).
Tagairt eangaí : O 045 763 nó N53.7264 W6.4168

Treoracha go dtí tús na siúlóide: Lean an M1 go dtí bealach amach 10, díreach tar éis Dhroichead Mary McAleese. Tóg an chéad bhealach amach ón timpeallán ar an N51 siar i dtreo Bhaile Shláine. Sroichfidh tú an carrchlós ar an taobh deas tar éis 1.4km.
Bí ann ag 10:45 le bheith réidh chun tosú ag siúl ag 11:00 r.n.
Lean an nasc seo ar GoogleMaps go dtí tús na siúlóide.

Treoraí: Seán
Nóta: Má bhíonn tuilleadh eolais uait, nó má bhíonn síob uait nó síob le tabhairt agat téigh i dteagmháil linn

Turas ar Theach an Chustaim - Dé Sathairn, 8 Feabhra 2025

30/1/2025

Tá turas trí Ghaeilge á eagrú againn ar Theach an Chustaim, Dé Sathairn, 8 Feabhra 2015, ag 11:00r.n.
Mairfidh an turas uair an chloig, nó píosa beag níos lú.

Tá an líon áiteanna ar an turas teoranta.
Mar sin, má bhíonn suim agat beimid buíoch díot má théann tú i dteagmháil linn go luath, agus roimh 5 Feabhra más féidir leat.

Rachaimid le haghaidh caife, nó lóin, i ndiaidh an turais.

Cruinniú Cinn Bhliana - Déardaoin - 23 Eanáir 2025

16/1/2025

Na Cnocadóirí - Cruinniú Cinn Bhliana

Tionólfar Cruinniú Cinn Bhliana an chlub Déardaoin, 23 Eanáir, 2025 ag 7.30 i.n. i Seomra na Gaeilge, Coláiste na Tríonóide, Baile Átha Cliath 2.

Má bhíonn rún nó moladh agat le cur faoi bhráid an chruinnithe bheinn buíoch dá gcuirfeá chuig [email protected] é roimh 9 Eanáir 2025.

Is do bhaill amháin an Cruinniú Cinn Bhliana.

Siúlóid Éasca - Dé Domhnaigh, 19 Eanáir 2025 - Cill Chomhaid

14/1/2025

Siúlóid Éasca: Cosán an Aifrinn ó shéipéal Naomh Pádraig i gCill Chomhaid (Kilquade) trí Chill Chomhghaill (Kilcoole) go dtí an fharraige agus ar ais.
Bhí an cosán sin in úsáid go dtí 1986 nuair a tógadh an séipéal i gCill Chomhghaill
Fad: 9.5km, 2 uair go leith an chloig ag siúl.
Ní siúlóid sléibhe í seo, ach tá seans go mbeidh an cosán fliuch ná lábach in áiteanna.

Áit chruinnithe: Sráid Mhic Liam Íochtarach os comhair iar-oifigí BSL – Clifton Hall (Eircode D02 XP89).
Imeoimid ag 10:00 r.n. go cruinn.
Nó
Tús na siúlóide: 11:00 r.n. ag an Arboretum (Ionad Garraíodóireachta) i gCill Chomhaid (Kilquade). Eircode A63 PR80
O 280 085 nó N53.1123 W6.0888
Tá ionad páirceála ar thaobh an bhóthair trasna ón Arboretum. Agus beidh roinnt spásanna i gcarrchlós an Arboretum féin.
Lean an nasc seo ar GoogleMaps go dtí tús na siúlóide.

Treoraí: Seán
Nóta: Má bhíonn tuilleadh eolais uait, nó má bhíonn síob uait nó síob le tabhairt agat téigh i dteagmháil linn.
Tar éis na siúlóide beidh bia/lón le fáil i gcaifé an Arboretum.

<<Previous

Forward>>