Séipéil Réamh-Normannacha Bhaile Átha Cliath

Teacht le chéile:     Lasmuigh d’Ardeaglais Theampall Chríost  (Christchurch), Plás Theampall Chríost (díreach taobh istigh den phríomhgheata). 
Am: 10:30 r.n. Dé Sathairn, 8 Márta 2025

An tSiúlóid:  Beidh an turas treoraithe seo ag díriú ar iarsmaí na n-eaglaisí réamh-Normannacha i ndeisceart chathair Bhaile Átha Cliath. Breathnóimid ar an ailtireacht atá fós ann agus ar na rianta foirgneamh agus struchtúr a tógadh roimh 1170 AD. Cuirfear tús leis an tsiúlóid ag Teampall Chríost, agus pléifimid na fianaisí seandálaíochta atá ann do Theampaill Naomh Mícheál le Pole (Mac Táil), Naomh Peadar, Naomh Pádraig agus Naomh Caoimhín.
Mairfidh an tsiúlóid timpeall 1.5 huaire an chloig, ó Phlás Theampall Chríost go Rae Camden / Sráid Loch Garman.

Treoraí: Breandán

Beidh fáilte roimh chách.

Beidh deoch nó rud beag le hithe againn in áit éigin in aice láimhe ag deireadh na siúlóide.
NB Beidh an turas i mBaile an Chinnéidigh ag 2:00pm i ndiaidh an chinn seo , má bhíonn síob uait téigh i dteagmháil linn.

Fad: 10 km, 3 uair an chloig ag siúl.
Ní siúlóid sléibhe í seo, agus oirfidh bróga reatha di.

Tús na siúlóide: 11:00 r.n. ag carrchlós Choill Halla an Toinlígh  (Townley Hall Woods Car Park).
Tagairt eangaí : O 045 763  nó N53.7264 W6.4168

Treoracha go dtí tús na siúlóide: Lean an M1 go dtí bealach amach 10, díreach tar éis Dhroichead Mary McAleese. Tóg an chéad bhealach amach ón timpeallán ar an N51 siar i dtreo Bhaile Shláine. Sroichfidh tú an carrchlós ar an taobh deas tar éis 1.4km.
Bí ann ag 10:45 le bheith réidh chun tosú ag siúl ag 11:00 r.n.
Lean an nasc seo ar GoogleMaps go dtí tús na siúlóide.

​Treoraí: Seán
Nóta: Má bhíonn tuilleadh eolais uait, nó má bhíonn síob uait nó síob le tabhairt agat téigh i dteagmháil linn

Tá turas trí Ghaeilge á eagrú againn ar Theach an Chustaim, Dé Sathairn, 8 Feabhra 2015, ag 11:00r.n.
Mairfidh an turas uair an chloig, nó píosa beag níos lú.

Tá an líon áiteanna ar an turas teoranta.
Mar sin, má bhíonn suim agat beimid buíoch díot má théann tú i dteagmháil linn go luath, agus roimh 5 Feabhra más féidir leat.

Rachaimid le haghaidh caife, nó lóin, i ndiaidh an turais.

Na Cnocadóirí - Cruinniú Cinn Bhliana

Tionólfar Cruinniú Cinn Bhliana an chlub Déardaoin, 23 Eanáir, 2025 ag 7.30 i.n. i Seomra na Gaeilge, Coláiste na Tríonóide, Baile Átha Cliath 2.
 
Má bhíonn rún nó moladh agat le cur faoi bhráid an chruinnithe bheinn buíoch dá gcuirfeá chuig [email protected] é roimh 9 Eanáir 2025.

Is do bhaill amháin an Cruinniú Cinn Bhliana.

Mar chéad imeacht na hAthbhliana beidh oíche chártaí againn an Déardaoin beag seo - 2 Eanáir 2025.
Beimid in Óstán Buswell, Sráid Theach Laighean - Molesworth St, ó 7:30pm ar aghaidh.

Cluiche Cártaí 25 a bheidh á imirt againn.
Mura mbíonn an cluiche ar eolas agat míneofar na rialacha duit.
Go raibh tú ann agus go mbaine tú taitneamh as an gcomhluadar.

Agus go raibh athbhliain faoi mhaise agat.
​