Cúrsa i mBunscileanna Cnocadóireachta - Feabhra 2016

Tá an cúrsa seo curtha siar seachtain amháin  - Féach na dátaí nua thíos.

Tá an Na Cnocadóirí ag eagrú gearrchúrsa i mbunscileanna cnocadóireachta.
​
Tá na sonraí uilig thíos: Má tá suim agat an cúrsa seo a dhéanamh cuir ríomhphost chuig cnocadoiri@yahoo.com chomh luath agus is féidir leat.
 
CÚRSA I mBUNSCILEANNA CNOCADÓIREACHTA
Fad an chúrsa:     Dhá oíche (2 uair an chloig gach oíche) agus maidin Shathairn amháin ar na sléibhte.

Dátaí molta:
Dé Céadaoin     17 Feabhra, 7:00 pm
Dé Céadaoin     24 Feabhra  7:00 pm
Dé Sathairn       27 Feabhra ar na sléibhte
Is féidir na dátaí sin a athrú – mura n-oireann na dátaí sin duit déan teagmháil linn.
 
Ábhair: 
Beidh an cúrsa seo oiriúnach do dhaoine ar mhaith leo foghlaim conas:

• léarscáil a léamh
• compás a úsáid
• bealach siúlóide a phleanáil
• fad siúlóide a mheas
• agus bunscileanna cnocadóireachta eile.

Deis atá ann scileanna a fhoghlaim agus bheith in ann do bhealach féin a dhéanamh timpeall ar na sléibhte amach anseo.
 
Cleachtadh:
Caithfimid leathlá i sléibhte Átha Cliath Satharn amháin tar éis na ranganna teoirice chun na scileanna a chleachtadh. Is cuid lárnach den chúrsa é seo!
 
Teagascóir:
Seán Ó Fearghail
 
Chun áit a chur in áirithe: 
Má tá suim agat sa chúrsa, cuir scéal chuig cnocadoiri@yahoo.com nó téigh i dteagmháil le Seán Ó Fearghail faoin Aoine, 5 Feabhra.
 
Costas:
Saor in aisce do bhaill an chlub.
€10 do dhaoine nach baill iad.
 
Trealamh a bheidh ag teastáil:
Beidh an trealamh seo leanas ag teastáil uait :

• Léarscáil Suirbhéireachta Ordanáis 56 (Discovery Map 56: Wicklow, Dublin & Kildare)
• Compás.  D'fhéadfá compás de dhéantús Silva, uimhir 3 a úsáid. 

Is féidir iad seo a cheannach i siopaí a ndíoltar trealamh cnocadóireachta iontu. Ná déan dearmad - bíonn lacáiste ar fáil sna siopaí sin má bhíonn do chárta ballraíochta MI (Sléibhteoireacht Éireann) leat.