Ballraíocht

Beidh fáilte roimh neamhbhaill teacht amach ar dhá shiúlóid linn, ach má bhíonn suim agat leanúint le himeachtaí an Chlub ní mór ballraíocht a bheith agat.
​Níl sé ceadaithe madraí a thabhairt ar na sléibhte i gcás ar bith ná ar shiúlóidí sléibhe.
Tá madraí ceadaithe ar shiúlóidí cathrach (m.sh. siúlóidí samhraidh) ach iad ar iall i gcónaí.

Tá cead ag daoine faoi 18 mbliana d'aois siúl linn, ach in éineacht le tuismitheoir nó le caomhnóir amháin, agus an tuismitheoir, caomhnóir ina b(h)all freisin.

​Tá dhá bhealach chun do bhallraíocht a athnuachan nó chun ballraíocht nua a ghlacadh

​1. An Fhoirm Chláraithe ar líne (thíos) a líonadh.
Brúigh an cnaipe ag an mbun chun an fhoirm a chur chugainn. Cuirfear na sonraí bainc chugat ansin agus beidh tú in ann an síntiús a íoc díreach isteach sa chuntas.
Má íocann tú an síntiús isteach sa chuntas ná déan dearmad d'ainmse a chur leis an íocaíocht.
Uaireanta, ní fheidhmíonn an Fhoirm Chláraithe ar líne i gceart ar ghuthán. Ma bhíonn deacracht agat, bain triail as ar ríomhaire.

2. An Fhoirm Chláraithe a íoslódáil ón suíomh.
Tabhair an fhoirm agus an síntiús do dhuine den Choiste (ar shiúlóid nó ag imeacht eile, nó ag an gCruinniú Cinn Bhliana).​​

​​Rachaidh do bhallraíocht in éag an 31 Deireadh Fómhair 2027

Foirm Chláraithe ar líne

    A. Síntiús iomlán: €55:  más iad Na Cnocadóirí an t-aon chlub ina bhfuil tú i do bhall.

    B. Síntiús laghdaithe: €45:  más iad Na Cnocadóirí an t-aon chlub ina bhfuil tú i do bhall, agus mura bhfuil tú fostaithe faoi láthair (m.sh. dífhostaithe, ar scor, mac léinn, cúramóir)

    C. Comhbhallraíocht: €30: Má tá tú i do bhall de chlub eile agus ballraíocht Shléibhteoireacht Éireann (SÉ) agat tríd an gclub sin, nó má tá tú i do bhall aonair de SÉ.

    D. Comhbhallraíocht laghdaithe: €20  Má tá tú i do bhall de chlub eile agus ballraíocht Shléibhteoireacht Éireann (SÉ) agat tríd an gclub sin, nó má tá tú i do bhall aonair de SÉ, agus mura bhfuil tú fostaithe faoi láthair (m.sh. dífhostaithe, ar scor, mac léinn, cúramóir).  ​
    ​I gcás A agus B cuirtear an chuid is mó den airgead chuig SÉ le costais bhallraíochta agus árachais a íoc. 
    Dearbhú Pearsanta
    Is spórt dainséarach í an chnocadóireacht agus orm féin atá an fhreagracht agus mé á déanamh.
    Caithfear an trealamh agus an feisteas cuí a bheith agam.
    Beidh mé freagrach as mo chuid gníomhartha agus iompair féin. Féach pointe 4.2 i mBunreacht an Chlub
    Caithfidh mé cloí le rialacha agus treoracha a leagann an coiste nó an treoraí amach. .
    Tá mé aclaí go leor le tabhairt faoin gcnocadóireacht agus níl aon fhadhb sláinte agam a d’fhéadfadh cur isteach orm agus mé ag siúl. (Ní mór aon ábhar buartha ó thaobh sláinte de a chur in iúl don treoraí ag tús gach siúlóide.)

Íoslódáil foirm chláraithe

foirm_chláraithe_2026-27.docx
File Size: 113 kb
File Type: docx
Download File
foirm_chláraithe_2026-27.pdf
File Size: 205 kb
File Type: pdf
Download File

​RIALACHÁN GINEARÁLTA MAIDIR LE COSAINT SONRAÍ

Clárófar gach ball an Chlub mar bhall de Sléibhteoireacht Éireann. Is le Sléibhteoireacht Éireann amháin a roinnfear na sonraí ar an bhfoirm chláraithe. Ní roinnfear an t-eolas le haon duine, le haon chomhlacht ná le haon eagras eile.
Scriosfar na sonraí bliain amháin tar éis chríoch na ballraíochta.
Ó am go chéile úsáidtear grianghraif ó ghníomhaíochtaí an Chlub ar shuíomh gréasáin an Chlub nó chun poiblíocht a thabhairt don Chlub.

Buntáistí Bhallraíocht MI/SÉ

Tá go leor buntáistí ag baint le ballraíocht san MI / SÉ (Sléibhteoireacht Éireann), m.sh:
  • Árachas: Is spórt dainséarach í an chnocadóireacht, agus ní mór d'aon duine a théann amach ag siúl árachas a bheith aige/aici. Íocfaidh Na Cnocadóirí táille árachais le MI ar do shon.
  • Lacáistí: Gheobhaidh tú cárta ballraíochta ó SÉ má íocann tú síntiús iomlán leis Na Cnocadóirí. Leis an gcárta, is féidir leat lacáiste a fháil óna lán siopaí a dhíolann feisteas agus trealamh sléibhteoireachta.
  • Irisleabhar: Gheobhaidh tú cóip den iris The Irish Mountain Log sa phost ceithre huaire sa bhliain.
  • Deis freastal ar chainteanna, léachtaí agus ócáidí eile de chuid an SÉ.
Tá eolas breise faoi Shléibhteoireacht Éireann ar fáil ar  www.mountaineering.ie