Na Cnocadóirí
  • Baile
    • Trealamh agus feisteas
  • Féilire
    • Gnáthshiúlóidí
    • Siúlóidí um thráthnóna
    • Turais/Deireadh Seachtaine
    • Imeachtaí Sóisialta/Cultúrtha
  • Ballraiocht
    • Bunreacht
  • Eolas
    • Treoracha
    • Foclóirín
    • Cartlann
    • Amhrán
    • Grianghraif >
      • Grianghraif 2020
      • Grianghraif 2019
      • Grianghraif 2018
      • Grianghraif 2016
      • Grianghraif 2017
      • Grianghraif 2015
      • Grianghraif 2014
      • Grianghraif 2013
      • Grianghraif 2012
      • Grianghraif 2010
      • Grianghraif 2009
      • Grianghraif 2011
      • Grianghraif 2008
  • Teagmháil

Siúlóid Éasca  - Dé Domhnaigh, 11 Deireadh Fómhair 2026 - An Scailp

5/10/2026

 
Picture
Siúlóid Éasca: An Scailp, Cuid de Shlí Shléibhte Átha Cliath (Dublin Mountain Way - DMW), Carraig Uallacháin, Seanchill.
Fad na siúlóide - 7 km, Dreapadh: 280 m, Thart ar 2.5  uair an chloig ag siúl.
Beidh an tsiúlóid seo ar chosáin agus ar bhóithre coille, ach tá seans go mbeidh sé fliuch nó lábach in áiteanna.

Treoraí: Fionn

Tús na siúlóide:  Stad Bus 4088 (Coill na Scailpe) sa Scailp
Tosóimid ag siúl ag 11:30 r.n.

Treoracha go dtí tús na siúlóide:  Imíonn bus 44 ón Helix in DCU (Ollscoil Bhaile Átha Cliath) ag 10:00 r.n. a bheidh ag stad 271 ar Shráid Uí Chonaill Íochtair ag 10:30, nó stad 852 i Raghnallach (gar do Bhóthar Chelmsford) ag 10:50.
Beidh an bus sin sa Scailp ag 11:26
Tuilleadh eolais ag Bus Átha Cliath

Críoch na siúlóide: Beidh deoch againn i dTeach Tábhairne Brady i Seanchill ag deireadh an DMW. 
Is féidir filleadh ar an gcathair ar Bhus E1 - gach 15-20 nóiméad ó stad bhus lasmuigh de Brady's.
Chun tuilleadh eolais a fháil téigh i dteagmháil le Fionn nó linn ag [email protected]m.


Beárbaiciú an tSamhraidh - Dé Sathairn - 18 Iúil 2026

13/7/2026

 
​Níl sé ró-dhéanach  - cuir post ar ais chugainn ag [email protected] agus beidh áit agat ag an mBBQ, Dé Sathairn seo chugainn.
Ar ndóigh is féidir teacht chuig an BBQ gan dul ar an tsiúlóid - agus a mhalairt.

Seo iad na sonraí
​----------
11:00: - Siúlóid Éasca chuig na Mianaigh Luaidhe, Carraig Uallacháin agus seanteampall Rath Mhichíl.
Fad: ~10km, dreapadh 250m, 
2.5 uair an chloig ag siúl ar chosáin mhaithe.

Teacht le chéile: 10:30 ag teach Derval chun gluaisteáin a roinnt agus/nó sailéad nó milseog a fhágaint.
nó
Tús na siúlóide: 11:00 ag carrchlós Bharr na Slinneán (Barnaslingan Forest), Lana Bharr na Slinneán.
Tagairt eangaí O 223 204 nó  N53.2203, W6.1701
(An Eircode is cóngaraí don charrchlós - D18 F634)
Stad Bus 3479 (Bus 44), an stad is cóngaraí, 2.3km ó thus na siúlóide.
Lean an nasc seo ar GoogleMaps go dtí tús na siúlóide.
Téigh i dteagmháil má tá síob go dtí tús na siúlóide uait.
​
Picture
----------
3.00 i.n.  Fulacht Fia (nó Beárbaiciú) i dteach Derval i gCill Tiarnáin.
Mura bhfuil sé déanta agat cheana cuir r-phost chugainn ag [email protected] agus cuirfear seoladh Derval chugat.

Cuirfear bia te ar fáil - burgair, srl.
Abair linn má tá suim agat sailéad nó milseog a thabhairt leat.
Abair linn más feoilséantóir thú.
Tabhair leat cibé a mbeidh á ól agat

Bígí linn!  Fáilte roimh chách.

Baill:               Saor in aisce
Fáilte roimh neamhbhaill agus cairde (le Gaeilge) ach bheimis buíoch as síntiús 10 nEuro. 

Siúlóid Éasca  - Dé Domhnaigh, 10 Bealtaine 2026 - Bruach na Bóinne

3/5/2026

 
Tosófar an tsiúlóid seo ag 10:30 r.n.
Siúlóid Éasca: Ionad Chath na Bóinne - Halla an Toinlígh - Tulaigh Álainn - Gleann Rí Liam - An Seandroichead
Fad na siúlóide - 11 km, Dreapadh – 150 m, 2.5 - 3 huaire an chloig ag siúl.
Ach beimid in ann píosa a bhaint de, má bhíonn gá.
​

Picture
Treoraí: Seán

Tús na siúlóide:  An carrchlós in Ionad Chath na Bóinne.
Tagairt eangaí O 042 961, nó N53.7239, W6.4230
Eircode A92 CY69
Bí ann ag 10:15 r.n. le bheith réidh chun tosú ag siúl ag 10:30 r.n.

Beidh an tsiúlóid seo ar chosáin agus ar bhóithre coille, ach tá seans go mbeidh sé fliuch nó lábach in áiteanna. Mura mbíonn sé fliuch, oirfidh bróga reatha.

Má bhíonn tuilleadh eolais uait nó síob uait go dtí tús na siúlóide téigh i dteagmháil linn ag [email protected].

Treoracha go dtí tús na siúlóide:  Lean an M1 go dtí bealach amach 10, díreach tar éis Dhroichead Mary McAleese. Tóg an chéad bhealach amach ón timpeallán ar an N51 siar i dtreo Bhaile Shláine. Tar éis 1.4km cas ar chlé trasna an droichid, agus tar éis 300m cas ar dheis isteach Ionad Chath na Bóinne. Tá an carrchlós in aice an tí mhóir.


Nó lean an nasc seo ar GoogleMaps go dtí tús na siúlóide

Siúlóid Threoraithe - Dé Sathairn, 18 Aibreán 2026 - Duga Spencer

8/4/2026

 
Siúlóid Oidhreachta: Duga Spencer, Ceantar na nDugaí Bhaile Átha Cliath.
Dáta/am: Dé Sathairn, 18 Aibreán 2026 ag 11:00 r.n.
Fad/am: Thart ar 2km nó uair go leith.
Teacht le chéile:
 An pháirc bheag phoiblí in aice le stad Luas Dhuga Spencer, BÁC 3.
​
Picture
An tSiúlóid: 
Is turas treoraithe neamhfhoirmiúil, trí mheán na Gaeilge, é seo timpeall cheantar Dhuga Spencer agus na nDugaí Thoir.

Déanfaidh an t-ailtire, Breandán Mac Aodha Bhuí, iniúchadh ar an gceantar ó thaobh oidhreachta, ailtireachta agus innealtóireachta de. 
​
Cuirfear tús leis an tsiúlóid ag stad Luas Dhuga Spencer, agus ansin leanfar ar aghaidh go dtí an Chanáil Ríoga agus cois Life, sula gcuirfear deireadh leis ag an ‘bhFostáisiún’ ar Bhóthar an Phoirt Thoir, atá ina iarsmalann anois.

Siúlóid Éasca agus Béile - Lá 'le Pádraig 2024 - Easanna Jackson

6/3/2026

 
Tosófar an tsiúlóid seo ag 11:00 r.n.
Siúlóid Éasca:
 An Láithreach - Easanna Jackson - Bruach na hAbhann Móire
Fad na siúlóide - 10.5 (nó 5) km, Dreapadh – 200 m, 2.5 - 3 huaire an chloig ag siúl.
Ach beimid in ann píosa a bhaint de, má bhíonn gá.
​
​I ndiaidh na siúlóide beidh béile againn in The Wicklow Heather sa Láithreach ag 3:00pm. 
Cuir fios orainn ag [email protected] lá roimh ré, ar a laghad, chun spás a cur in áirithe.
Ar ndóigh, is féidir bheith ag an mbéile linn gan dul ar an tsiúlóid.
​
Picture
Treoraí: Seán 
Tús na siúlóide:  An carrchlós ag Woolen Mills, in aice leis an gCumann CLG sa Láithreach.
Tagairt eangaí T 142 960, nó N53.0024, W6.3000
Bí ann ag 10:45 r.n. le bheith réidh chun tosú ag siúl ag 11:00 r.n.

Beidh an tsiúlóid seo ar chosáin agus ar bhóithre coille, ach tá seans go mbeidh sé fliuch nó lábach in áiteanna. Mura mbíonn sé fliuch, oirfidh bróga reatha.
Stopfaimid le rud beag a ithe ar an tsiúlóid - tá gach seans nach mbeimid ag ithe sa Wicklow Heather mórán roimh 3:30.

Má bhíonn tuilleadh eolais uait nó má bhíonn síob uait go dtí tús na siúlóide téigh i dteagmháil linn ag [email protected]..
De bharr Pharáid Lá 'le Pádraig ní bheidh aon áit chruinnithe againn i lár na cathrach an uair seo.

Treoracha go dtí tús na siúlóide: Ó Bhaile Átha Cliath-  Téigh ar an M11 go Cill Mocheanóg, ansin ar an R755 go dtí an Tóchar agus an Láithreach. Cas ar chlé ag an Láithreach agus tar éis 600 m cas ar dheis ag an gcomhartha do na Muilte Olla (Woollen Mills). Tá an carrchlós ar  thaobh clé an an mbóthar sin.
Nó lean an nasc seo ar GoogleMaps go dtí tús na siúlóide

Siúlóid Staire - Dé Sathairn, 7 Márta 2026 - Baile na Lochlannach (Oxmantown)

2/3/2026

 
Turas treoraithe trí Ghaeilge an an gceantar stairiúil Baile na Lochlannach, i mBaile Atha Cliath 7.

Teacht le chéile:   Stáisiún LUAS ‘Na Ceithre Cúirteanna’
Am:   11.00 r.n. Dé Sathairn, 7 Márta 2026

Treoraí: Breandán
 ​
Picture
An tSiúlóid: 
Beidh an tsiúlóid dírithe ar sheandálaíocht agus ar fhoirgnimh stairiúla i gceantar Bhaile na Lochlannach i dtuaisceart chathair Bhaile Átha Cliath. 
Breathnóimid ar na seanfhoirgnimh atá ann fós agus pléifimid an tseandálaíocht faoi thalamh.
Cuirfear tús leis an tsiúlóid ag Na Ceithre Cúirteanna. Ansin rachaimid chuig Margadh na Feirme agus leanfaimid ar aghaidh i dtreo Shráid Chéipil sula gcríochnóimid ag iar-Mhainistir Naomh Muire.
 
Mairfidh an tsiúlóid thart ar 1.5 - 2 uair an chloig.
 
Beidh fáilte roimh chách.

<<Previous
© Na Cnocadóirí
Club siúl sléibhe á riaradh ag coiste deonach. 
[email protected]
Teagmháil linn
Proudly powered by Weebly