Siúlóid, Dé Domhnaigh, 17 Eanáir 2016

Siúlóid: “Jack the Rags”, Braigue Mountain, Sliabh Dhoire Bán, Sruthán an Loig Dhuibh, Sliabh na Cuileanntraí
 
Cur síos: Siúlóid mheánach/éasca , 4 – 4.5 huaire an chloig ag siúl.
Beimid ar ais ag na gluaisteáin ag 4:30 i.n.
Fad na siúlóide, 15 km, dreapadh 500m​

Áit chruinnithe: Oifigí BSL, Sráid Mhic Liam. Imeoimid ag 10.30 r.n. go cruinn. (http://www.cnocadoiri.com/treoracha.html)
nó
Tús na siúlóide:  Carrchlós ag tús an Bhóthair Mhíleata i dtreo Ghleann Molúra.  Tagairt eangaí – T 139 954 nó N52.9969, W6.3024.
Tosóimid ag siúl ag 11:45 r.n.
 
Treoraí: Daithí Butler
Uimhir Theagmhála: 087 640 1443
Nóta: Má tá sé ar intinn agat teacht amach linn, cuir téacs chuig Daithí roimh ré ionas go mbeidh sé ábalta síobanna ó lár na cathrach a chomhordú.
 
Treoracha go dtí tús na siúlóide: Ag teacht ó Bhaile Átha Cliath:- 
Gabh an M11 go dtí Cill Mocheanóg, ansin an R755 go dtí an Tóchar agus an Láithreach. 1.5 km tar éis an Láithrigh cas fó dheis ar an mBóthar Míleata i dtreo Ghleann Molúra. Díreach ag an ngabhal sin tá leataobh (lay-by) a úsáidfimid mar charrchlós.
Nó lean an nasc seo ar Google Maps go dtí tús na siúlóide 

MEABHRÚCHÁN
Mar atá molta ag Sléibhteoireacht Éireann, eagraítear comh-úsáid carranna chun líon na gcarranna ar na bóithre a laghdú. Is minic nach mbíonn mórán spáis páirceála ag an áit a dtosaíonn na siúlóidí - cabhraíonn comh-úsáid carranna chun líon na gcarranna a fhágtar ag tús na siúlóidí a laghdú.
 
Tugann tiománaithe síob do dhaoine chuig tús na siúlóidí agus ar ais go lár na cathrach. Dá bhrí sin ní mór €5 a thabhairt don tiománaí lena c(h)uid costas a ghlanadh. Ar scáth a chéile a mhaireann na daoine! Gabhaimid buíochas leo siúd a thugann síob go rialta.

TREALAMH AGUS FEISTEAS RIACHTANACH 
Bí cinnte go bhfuil gach rud ar an liosta seo agat. http://www.cnocadoiri.com/trealamh-agus-feisteas.html