Blog Posts

Siúlóid Threoraithe - Dé Sathairn, 18 Aibreán 2026 - Duga Spencer

8/4/2026

Siúlóid Oidhreachta: Duga Spencer, Ceantar na nDugaí Bhaile Átha Cliath.
Dáta/am: Dé Sathairn, 18 Aibreán 2026 ag 11:00 r.n.
Fad/am: Thart ar 2km nó uair go leith.
Teacht le chéile: An pháirc bheag phoiblí in aice le stad Luas Dhuga Spencer, BÁC 3.

An tSiúlóid:
Is turas treoraithe neamhfhoirmiúil, trí mheán na Gaeilge, é seo timpeall cheantar Dhuga Spencer agus na nDugaí Thoir.

Déanfaidh an t-ailtire, Breandán Mac Aodha Bhuí, iniúchadh ar an gceantar ó thaobh oidhreachta, ailtireachta agus innealtóireachta de.

Cuirfear tús leis an tsiúlóid ag stad Luas Dhuga Spencer, agus ansin leanfar ar aghaidh go dtí an Chanáil Ríoga agus cois Life, sula gcuirfear deireadh leis ag an ‘bhFostáisiún’ ar Bhóthar an Phoirt Thoir, atá ina iarsmalann anois.

0 Comments

Siúlóid Sléibhe - Dé Domhnaigh, 19 Aibreán 2026 - Cros Airt

6/4/2026

0 Comments

Nóta - Tosófar an tsiúlóid seo ag 10:30 r.n.
-----------------
Siúlóid Sléibhe: Na Trí Loch, Cros Airt, Loch Feirbe agus Leac Airt.
Fad na siúlóide: 12 km, Dreapadh: 470 m
5 - 5.5 uair an chloig ag siúl.
Beidh an talamh an-fhliuch in áiteanna. Is cosáin fhianna de chuid is mó a bheidh le leanúint.
B'fhiú go mór loirgneáin a chaitheamh má bhíonn siad agat.

Tús na siúlóide: Láthair páirceála ag deireadh an L8350.
Tagairt Eangaí - O 020 014 nó N53.05395, W6.47913
NB – Bí ann ag 10:15 r.n. le bheith réidh chun tosú ag siúl ag 10.30 r.n.

Treoraí: Pádraig
Nóta: Chun tuilleadh eolais nó síob a fháil go dtí tús na siúlóide, téigh i dteagmháil linn ag [email protected].

Treoracha go dtí tús na siúlóide:
Lean an N81 amach as an gcathair trí cheantar Thamhlachta, ar aghaidh trí Bhaile Coimín chomh fada le Cillín Chaoimhín (Hollywood). Cas ar chlé le haghaidh Cillín Chaoimhín ag staisiún peitril Circle K, Daly's. Lean an R756 ar feadh 5km, cas ar dheis don L8350 (casann an príomhbhóthar ar chlé agus leanann an L8350 díreach ar aghaidh ach ní mór duit slí a ghéilleadh!). Lean an L8350 ar feadh 5km, bóithrín atá ann i ndáiríre. Tiocfaidh tú chuig droichead le ráillí miotail, tosaíonn bóithrín gairbhéil ag an bpointe sin agus tiomáineann tú taobh le cróite feirme. Coinnigh ort ar an mbóithrín gairbhéil ar feadh 700m. Tá láthair páirceála ar dheis ag an deireadh.

Nó lean an nasc seo chun treoracha ó Chillín Chaoimhín go tús na siúlóide a leanúint:
https://maps.app.goo.gl/bGfnXeJMAHPWd4G19

Trealamh agus Feisteas: Bí cinnte go bhfuil gach rud ar an liosta seo agat.

Neamhbhaill: Mura bhfuil tú i do bhall de Na Cnocadóirí beidh cead agat teacht linn ar dhá shiúlóid sléibhe in aon bhliain amháin, ach is éigean duit ríomhphost a mbeidh d'ainm agus d'uimhir ghutháin ann a chur chugainn roimh shiúlóid, mar aon le hainm agus le huimhir ghutháin duine eile (m.sh. neasghaol) lenar féidir linn dul i dteagmháil i gcás éigeandála.

0 Comments

Siúlóid Sléibhe - Dé Domhnaigh, 5 Aibreán 2026 - Doire Bán

30/3/2026

0 Comments

Siúlóid Sléibhe Mheánach: Leac Chuimhneacháin Shay Elliot, Sliabh na Cuileanntraí, Sliabh an Doire Bháin.
Fad na siúlóide: 11km
3 - 3.5 uair an chloig ag siúl.

Tús na siúlóide: Carrchlós ag leac chuimhneacháin Shay Elliot ar an mbóthar idir An Láithreach agus Gleann Molúra.
Tagairt Eangaí - N 130 923 nó N52.9693, W6.3191
NB – Bí ann ag 10:45 r.n. le bheith réidh chun tosú ag siúl ag 11:00 r.n.

Treoraí: Dáithí
Nóta: Chun tuilleadh eolais a fháil nó síob go dtí tús na siúlóide, téigh i dteagmháil linn ag [email protected].

Treoracha go dtí tús na siúlóide: Téigh ar an M11 go Cill Mocheanóg, ansin ar an R755 go dtí an Tóchar agus an Láithreach. 1.5 km tar éis an Láithrigh, cas ar dheis ar an mBóthar Míleata i dtreo Ghleann Molúra ag an gcomhartha bóthair. Tar éis 6 km sroichfidh tú carrchlós Shay Elliott ag an bpointe is airde ar an mbóthar.
Nó lean an nasc seo ar Google Maps go dtí tús na siúlóide

Trealamh agus Feisteas: Bí cinnte go bhfuil gach rud ar an liosta seo agat.

0 Comments

Siúlóid Sléibhe Éasca - Dé Céadaoin, 25 Márta 2026 - An Láithreach

17/3/2026

Tosófar an tsiúlóid seo ag 10:30 r.n.
Siúlóid Sléibhe Éasca: An Láithreach, Sliabh na Brocaí Thoir, An Bhrocach.
Fad na siúlóide - 10.5 km, 4.5 uair an chloig ag siúl.
Beimid ag siúl ar chosáin mhaithe den chuid is mó.

Tús na siúlóide: Séipéal Naomh Caoimhín, An Láithreach (tagairt eangaí - T 140 968 nó N53.0106, W6.3024
Bí ann ag 10:15 r.n. le bheith réidh chun tosú ag siúl ag 10:30 r.n.

Treoraí: Daithí
Nóta: Má tá tuilleadh eolais uait téigh i dteagmháil linn nó le Daithí.

Treoracha go dtí tús na siúlóide: Ag teacht ó Bhaile Átha Cliath - Téigh ar an M11 go Cill Mocheanóg, ansin ar an R755 go dtí an Tóchar agus an Láithreach. Sa Láithreach, cas ar dheis i dtreo Ghleann Dá Loch. Tar éis cúpla céad méadar, ag siopa McCoy, cas ar dheis arís ar Lána na Brocaí agus téigh go dtí deireadh an bhóthair sin. Tá carrchlós beag suite ag Séipéal Naomh Caoimhín.
Nó lean an NASC seo ar GoogleMaps go dtí tús na siúlóide.

Beidh radharc álainn againn ar Thúr Ghleann Dá Loch agus ar Loch na Péiste; ach gan cuairt a dhéanamh orthu.

TREALAMH AGUS FEISTEAS RIACHTANACH
Bí cinnte go bhfuil gach rud ar an liosta seo agat. Trealamh agus feisteas

Siúlóid Sléibhe - Dé Domhnaigh, 22 Márta 2026 - Sléibhte Cuaille

15/3/2026

Nóta: Tosóidh an tsiúlóid seo ag 10:30 r.n.
Siúlóid Mheánach: Sléibhte Chuaille - The Lumpers, Foyle's Way, Carn an Mhadaidh, Carn Clermont, Lios an tSeagail, Teach Allais.
Fad na siúlóide - 14.5 km, Dreapadh - 550 m, 4 - 4.5 huaire an chloig ag siúl.

Tús na siúlóide: Ionad páirceála ag teach tábhairne The Lumpers, Baile Mhic Eileoid (Ballymakellett), Gleann na bhFiach (Ravensdale), Co. Lú. Eircode A91 FN2W. (Tagairt eangaí - J 100 108 nó N54.0347, W6.3218).
Bí ann ag 10:15 r.n. le bheith réidh chun tosú ag siúl ag 10:30 r.n.

Treoraí: Seán
Nóta: Chun tuilleadh eolais nó síob a fháil go dtí tús na siúlóide téigh i dteagmháil ag [email protected].

Treoracha go dtí tús na siúlóide: Ó Bhaile Átha Cliath :-
Lean an M1 go dtí bealach amach 18. Ansin tiomáin 3 km ar an R173 i dtreo Chairlinne. Cas ar chlé ar an R174 tar éis Óstán Ballymascanlon i dtreo Ravensdale. Tar éis 2.5 km, ag deireadh an bhóthair sin, cas ar dheis ag an T-acomhal. Sroichfidh tú The Lumpers ar thaobh na láimhe deise tar éis 1 km.
Nó lean an nasc seo ar GoogleMaps go dtí tús na siúlóide.

Caithfear íoc as an gcarrchlós laistiar de The Lumpers. Ach ar thaobh eile an bhóthair tá lána leathan isteach i bpáirc imeartha an CLG ar féidir páirceáil air saor in aisce. Nó, tá áit páirceála ag an reilig 800m ó The Lumpers.

TREALAMH AGUS FEISTEAS RIACHTANACH
Bí cinnte go bhfuil gach rud ar an liosta seo agat. Trealamh agus feisteas

Siúlóid Éasca agus Béile - Lá 'le Pádraig 2024 - Easanna Jackson

6/3/2026

Tosófar an tsiúlóid seo ag 11:00 r.n.
Siúlóid Éasca: An Láithreach - Easanna Jackson - Bruach na hAbhann Móire
Fad na siúlóide - 10.5 (nó 5) km, Dreapadh – 200 m, 2.5 - 3 huaire an chloig ag siúl.
Ach beimid in ann píosa a bhaint de, má bhíonn gá.

I ndiaidh na siúlóide beidh béile againn in The Wicklow Heather sa Láithreach ag 3:00pm.
Cuir fios orainn ag [email protected] lá roimh ré, ar a laghad, chun spás a cur in áirithe.
Ar ndóigh, is féidir bheith ag an mbéile linn gan dul ar an tsiúlóid.

Treoraí: Seán
Tús na siúlóide: An carrchlós ag Woolen Mills, in aice leis an gCumann CLG sa Láithreach.
Tagairt eangaí T 142 960, nó N53.0024, W6.3000
Bí ann ag 10:45 r.n. le bheith réidh chun tosú ag siúl ag 11:00 r.n.

Beidh an tsiúlóid seo ar chosáin agus ar bhóithre coille, ach tá seans go mbeidh sé fliuch nó lábach in áiteanna. Mura mbíonn sé fliuch, oirfidh bróga reatha.
Stopfaimid le rud beag a ithe ar an tsiúlóid - tá gach seans nach mbeimid ag ithe sa Wicklow Heather mórán roimh 3:30.

Má bhíonn tuilleadh eolais uait nó má bhíonn síob uait go dtí tús na siúlóide téigh i dteagmháil linn ag [email protected]..
De bharr Pharáid Lá 'le Pádraig ní bheidh aon áit chruinnithe againn i lár na cathrach an uair seo.

Treoracha go dtí tús na siúlóide: Ó Bhaile Átha Cliath- Téigh ar an M11 go Cill Mocheanóg, ansin ar an R755 go dtí an Tóchar agus an Láithreach. Cas ar chlé ag an Láithreach agus tar éis 600 m cas ar dheis ag an gcomhartha do na Muilte Olla (Woollen Mills). Tá an carrchlós ar thaobh clé an an mbóthar sin.
Nó lean an nasc seo ar GoogleMaps go dtí tús na siúlóide

<<Previous