 Cluiche Cártaí 25
Sin é an cluiche a d'imrítí oícheanta airneáin sna seanlaethanta - agus imrítear go fóill é nuair a thagann comharsana le chéile. Sin an cluiche a bhíothas á imirt sa chistin sa scannán An Cailín Ciúin. An bhfuil an cluiche cártaí 25 ar eolas agat? An bhfuil suim agat an cluiche a chleachtadh? Nó an bhfuil suim agat an cluiche a fhoghlaim? - Seo do sheans. Táimid chun oíche chártaí a eagrú sa Teach Tábhairne "Pipers Corner" ar Shráid Mhaoilbhríde, Dé Céadaoin, 5 Aibreán, ag 6:00 i.n. Ní gá an cluiche 25 a bheith ar eolas agat, beidh pacaí cártaí agus na rialacha againn chun é a mhúineadh. Oícheanta sóisialta a bheidh iontu - ní bheidh airgead ná gealltóireacht i gceist! Nóta: Tosóidh an tsiúlóid ag 11:00 r.n. Siúlóid Mheánach: Log a'Lá, Cnoc na Clochóige, Loch Deán. Fad 13 km, Dreapadh 700 m, 4 - 4.5 huaire an chloig ag siúl. Áit chruinnithe: Sráid Mhic Liam Íochtarach os comhair iar-oifigí BSL – Clifton Hall (Eircode D02 XP89). Imeoimid ag 9:30 r.n. go cruinn. (http://www.cnocadoiri.com/treoracha.html ) Nó Tús na siúlóide: An carrchlós ag Geataí Guinness (nó Pier Gates), ar an mbóthar ón Tóchar go dtí Bearna Bhealach Sailearnáin (tagairt eangaí - O 172 064 nó N53.0957, W6.2510). Bí ann ag 10:45 r.n. le bheith réidh chun tosú ag siúl ag 11:00 r.n. Treoraí : Seán Má bhíonn tuilleadh eolais nó síob go dtí tús na siúlóide uait, téigh i dteagmháil linn. Treoracha go dtí tús na siúlóide: Ó Bhaile Átha Cliath - tiomáin ar an M11 go Cill Mocheanóg, ansin an R755 i dtreo an Tóchair. 3km roimh an Tóchar cas ar dheis ar an R759, i dtreo Bhearna Bhealach Sailearnáin (tá comhartha bóthair ag an ngabhal). Lean an R759 ar feadh 4 km agus beidh an carrchlós mór ar thaobh na láimhe deise. Nó lean an nasc seo ar Google Maps go dtí tús na siúlóide. TREALAMH AGUS FEISTEAS RIACHTANACH Bí cinnte go bhfuil gach rud ar an liosta seo agat. http://www.cnocadoiri.com/trealamh-agus-feisteas.html   Tá seachtain á heagrú againn i ndeisceart na Spáinne, gar do Málaga, chun dul ag siúl i sléibhte an cheantair sin.
Seo iad na sonraí sealadacha: Am: Dé Sathairn, 30 Meán Fómhair go dtí Dé Domhnaigh, 8 Deireadh Fómhair 2023. (Ag an bpointe seo is dáta eatramhach é sin, tá seans go n-athrófar é don tseachtain 7 Deireadh Fómhair – 15 Deireadh Fómhair) Ceantar: Na sléibhte thoir thuaidh ó Málaga. Seo nasc chuig eolas faoin dúiche - Parque natural de las Sierras de Tejeda, Almijara Y Alhama Lóistín: Beimid ag fanacht i gceann amháin (nó dhó) de na bailte seo - Nerja, Frigiliana agus Competá. Tá siad go léir thart ar uair go leith ar bhus ó Málaga. Tá Nerja agus Frigiliana ar an gcósta agus Competá i lár na sléibhte. Má roinntear an tseachtain idir dhá ionad beidh deis againn triail a bhaint as an bhfarraige agus ansin as sráidbhaile sléibhe. Nuair a bhíonn na socruithe níos soiléire scaipfear rogha lóistín, óstán, etc. a bheadh oiriúnach. Beidh ar gach duine a áit féin a chur in áirithint. Taisteal: Beidh ar gach duine a chuid eitiltí féin a eagrú. Bíonn thart ar 4 eitilt le Ryanair agus 4 eitilt le hAer Lingus gach lá ó Bhaile Átha Cliath go Málaga, mar sin is féidir tréimhse níos lú ná seachtain iomlán a chaitheamh ar an turas – nó tréimhse níos faide. Chun dul go tús siúlóide gach lá, agus chun teacht ar ais ina ndiaidh, úsáidfimid busanna áitiúla, tacsaithe, mionbhus mar thacsaí etc. Beidh eolas níos soiléire agus níos cinnte faoi dhátaí agus faoi lóistín againn go luath i mí Aibreáin. Má cheapann tú go mbeidh suim agat sa turas seo, bheimis buíoch dá rachfá i dteagmháil linn ag an seoladh seo cnocadoiri@yahoo.com . Má cheapann tú go mbeadh suim agat níos mó ná seachtain amháin a chaitheamh sa cheantar, abair é sin freisin. NB is do bhaill an Chlub amháin an turas seo. Is féidir ballraíocht a ghlacadh ach an nasc seo BALLRAÍOCHT a leanúint  Seo é clár ama sealadach :
Dé Sathairn, 22 Aibreán Maidin: Sliabh an Airgid – An Dúnán, Barr an Ghleanna. Siúlóid sléibhe measartha éasca atá i gceist, thart ar 10 km ar fad agus dreapadh 400 m. Iarnóin: Turas treoraithe timpeall Bhaile Aonach Urmhumhan. Tráthnóna: Béile sa bhialann áitiúil. Dé Domhnaigh, 23 Aibreán. Maidin: Sliabh Ara – An Com, Tonn Toinne, Cros na Mílaoise. Siúlóid sléibhe measartha éasca atá i gceist, thart ar 8 km ar fad agus dreapadh 400 m. Iarnóin: Bád go hInis Cealtra agus turas treoraithe timpeall an oileáin. Nótaí: - Tá rogha mhaith de shiúlóidí níos éasca sa cheantar chomh maith. - Beidh bus ar cíos againn chun taisteal go dtí agus filleadh ar ais ó na siúlóidí agus na turais treoraithe. Tá lóistín curtha in áirithe i gceantar Gharraí Uí Chinnéide. Is sráidbhaile beag é a bhfuil dhá theach tábhairne agus bialann amháin ann. Tá gach lóistín lonnaithe laistigh de 4 km ón tsráidbhaile seo. Seo atá i gceist sa phacáiste: lóistín don dá oíche (Oíche Aoine, 21 Aibreán agus Oíche Shathairn, 22 Aibreán), turas bus, turas báid agus ábhar bricfeasta agus ceapairí don lón (m.sh. bainne, tae, arán, cáis, srl.) san áireamh. Má bhíonn suim agat cuir ríomhphost chuig cnocadoiri@yahoo.com Siúlóid Sléibhe Mheánach: An Seandroichead (Oldbridge), Scor, Ceann Toirc (Kanturk), An Seandroichead Fad: 10 km, Dreapadh: 400 m, 3.5 huaire an chloig ag siúl Tús na siúlóide: 10:45 ag carrchlós An Seandroichead (os comhair Ionad na nGasóg Loch Deán (Lough Dan Scout Centre ). Tagairt Eangaí: O 156 024 nó N53.0600 W6.2765). NB – Tosóimid ag siúl ag 11:00 r.n. go cruinn Treoraí: Eibhlín Nóta: Má bhíonn tuilleadh eolais nó síob go dtí tús na siúlóide uait, téigh i dteagmháil linn. Treoracha go dtí tús na siúlóide: Ag teacht ó Bhaile Átha Cliath – Lean an N11 go dtí Cill Mocheanóg. Gabh bealach amach 8 (i dtreo R755 agus An Tóchar - Roundwood). Ag an timpeallán, gabh an ceathrú bealach amach ar R755 agus i ndiaidh 350m cas ar chlé ar R755. Tar éis 14km cas ar dheis ar L1059 (i lár bhaile An Tóchair). I ndiaidh 1.7 km, gabh beagán ar dheis ar L1060. Lean an bóthar ar feadh 2.1 km go dtí An Seandroichead (Oldbridge) agus ansin cas ar dheis. Sroichfidh tú an t-ionad páirceála tar éis 0.5 km ar an taobh clé. Nó lean an nasc seo ar Google Maps go dtí an carrchlós. TREALAMH AGUS FEISTEAS RIACHTANACH Bí cinnte go bhfuil gach rud ar an liosta seo agat – Trealamh agus feisteas  |
|