|
Siúlóid Éasca: Áth na Sceire (Enniskerry), Cosán aifrinn, Seanséipéal Chill Adhgair, Coill Chnoc Sinche Fad: 8 km, Dreapadh: 200 m, 3 uair an chloig ag siúl. Ní siúlóid sléibhe í an tsiúlóid seo. Beimid ag siúl ar chosán aifrinn, ar chonair coille agus i bpáirceanna féir a bheidh fliuch agus lábach in áiteanna. Moltar buatais (éadroma) a chaitheamh. Tabhair úll nó meacan dearg leat le tabhairt do na capaill a bhuailfidh linn ar an mbealach.  Áit chruinnithe: Sráid Mhic Liam Íochtarach os comhair Oifigí BSL - Clifton Hall (Eircode D02 XP89)
Imeoimid ag 10.00 r.n. go cruinn. Nó Tús na siúlóide: An carrchlós in Áth na Sceire - Carrchlós Inse an Phortaigh (Bog Meadow Car Park) Tagairt eangaí – O 224 175 nó N53.1940, W6.1701. Bí ann ag 10:45 r.n. le bheith réidh chun tosú ag siúl ag 11:00 r.n. Treoraí: Seán Nóta: Má tá tuilleadh eolais nó síob uait nó síob le tabhairt téigh i dteagmháil linn, lá roimh ré. Treoracha go dtí tús na siúlóide: Ó Bhaile Átha Cliath, lean an nasc seo ar GoogleMaps go dtí tús na siúlóide Tógadh Cill Adhgair sa 9ú céad, agus deirtear gur leag saighdiúirí Chromail an chuid is mó de. Sa reilig tá roinnt leac uaighe Lochlannach. Seo cúpla nasc chuig tuilleadh eolais: Leaca Chill Adhgair Séipéal Chill Adhgair Tosófar an tsiúlóid seo ag 10:00 r.n Siúlóid sléíbhe mheánach: An carrchlós is airde istigh i gCoill Thigh an Chnoic Fad: 10 km, Dreapadh: >300 m, 3.5 uair an chloig ag siúl  Áit chruinnithe: Sráid Mhic Liam Íochtarach os comhair Oifigí BSL - Clifton Hall (Eircode D02 XP89)
Imeoimid ag 9.15 r.n. go cruinn. Nó Tús na siúlóide: An carrchlós i gCoill Thigh an Chnoic (Ticknock) ag an bpointe is airde ar an mbóthar aon treo Tagairt eangaí O 171 240 nó N53.2536, W6.2471. Bí ann ag 9:45 r.n. le bheith réidh chun tosú ag siúl ag 10:00 r.n. Treoraí: Tadhg Nóta: Má tá tuilleadh eolais nó síob uait téigh i dteagmháil linn ag [email protected]. Treoracha go dtí tús na siúlóide: On M50: Tóg an bealach amach ag Acomhal 13 do Áth an Ghainimh (Sandyford) agus Dún Droma. Ansin Bóthar Ghort an Bhreithimh (R133), Bóthar na Gráinsí (R822), Bóthar Bhaile Uí Cheallaigh, Bóthar Thigh an Chnoic, Carrchlós Thigh an Chnoic. . Nó lean an nasc seo ar GoogleMaps go dtí tús na siúlóide TREALAMH AGUS FEISTEAS RIACHTANACH Bí cinnte go bhfuil gach rud ar an liosta seo agat. Trealamh agus feisteas Nóta: Mura bhfuil tú i do bhall de Na Cnocadóirí beidh cead agat teacht linn ar dhá shiúlóid sléibhe in aon bhliain amháin, ach is éigean duit ríomhphost a mbeidh d'ainm agus d'uimhir ghutháin ann a chur chugainn roimh shiúlóid, mar aon le hainm agus le huimhir ghutháin duine eile (m.sh. neasghaol) lenar féidir linn dul i dteagmháil i gcás éigeandála. Tosófar an siúlóid ag 10.00 r.n. Siúlóid Sléibhe: Crón, Slí Chualann, Dioghais agus ar ais. Fad: 12.5km, Dreapadh: 700m, 4 - 4.5 uair an chloig ag siúl.  Tús na Siúlóide: - Carrchlós na Coille Cróine (Crone Wood car park)
Tagairt eangaí : O 192 142 nó N53.1653, W6.2169 Bí ann ag 9.45 r.n. le bheith réidh chun tosú ag siúl ag 10:00r.n. Treoraí: Eileen Má tá síob á lorg nó tuilleadh eolais uait téigh i dteagmháil linn ag [email protected]. Treoracha go dtí tús na siúlóide: Ó Bhaile Átha Cliath - téigh ar an R117 go hÁth na Sceire. Lean an bóthar go dtí Eas Chúirt an Phaoraigh. Tá an carrchlós 2 km tar éis an easa, ar an taobh clé. Nó lean an NASC seo ar GoogleMaps go dtí tús na siúlóide. Ní mór dúinn bheith ann go luath - líontar an carrchlós le teaghlaigh agus le madraí (ar iall, ar ndóigh!) Trealamh agus Feisteas: Bí cinnte go bhfuil gach rud ar an liosta seo agat – Trealamh agus feisteas Nóta: Mura bhfuil tú i do bhall de Na Cnocadóirí beidh cead agat teacht linn ar dhá shiúlóid sléibhe in aon bhliain amháin, ach is éigean duit ríomhphost a mbeidh d'ainm agus d'uimhir ghutháin ann a chur chugainn roimh shiúlóid, mar aon le hainm agus le huimhir ghutháin duine eile (m.sh. neasghaol) lenar féidir linn dul i dteagmháil i gcás éigeandála. Chun an Nollaig (agus Grianstad an Gheimhridh) a cheiliúradh Siúlóid i mBinn Éadair – ar an gcósta agus ar an gcnoc.  Teacht le chéile: 11:00 r.n. ag Stáisiún Dart Bhinn Éadair.
Stopfaimid ar an trá agus beidh picnic bheag againn - agus pióga mionra agus pórtfhíon te ar an mbiachlár. Mairfidh an tsiúlóid 3.5 uair an chloig agus beimid ar ais sa sráidbhaile ~2:30 - 3:00 i.n. Tar éis na siúlóide beidh deis againn greim bia a fháil, agus sólaistí eile - b'fhéidir sa Doghouse in aice an stáisiúin traenach, ach tá neart áiteanna eile sa sráidbhaile. Treoraí: Eileen Nóta: Chun tuilleadh eolais a fháil, téigh i dteagmháil linn ag [email protected] TREALAMH AGUS FEISTEAS Bí cinnte go bhfuil gach rud ar an liosta seo agat: Hata Nollag, geansaí Nollag, soilse gealánacha ar do mhála droma, beanna saorga fia, féasóg bhán, pióga mionra féiltiúla. Culaith snámha chun dul a shnámh leis na deilfeanna! Chun an fhírinne a rá, NÍL an trealamh sin riachtanach, ach ná déan dearmad do chóta báistí a thabhairt leat, agus bróga oiriúnacha don chosán a bheidh fliuch agus lábach in áiteanna. Siúlóid sléíbhe mheánach: Carrchlós Poiblí sa Láithreach, Gleann Dá Loch, Slí Chualann Nua, An Láithreach. Fad: 11 km, Dreapadh: 280 m, 4.0 uair an chloig ag siúl.  Áit chruinnithe: Sráid Mhic Liam Íochtarach os comhair Oifigí BSL - Clifton Hall (Eircode D02 XP89)
Imeoimid ag 9.30 r.n. go cruinn. Nó Tús na siúlóide: An carrchlós sa Láithreach in aice Woolen Mills Tagairt eangaí O 142 961 nó N53.0024, W6.3000. Bí ann ag 10:45 r.n. le bheith réidh chun tosú ag siúl ag 11:00 r.n. Rinneadh naomh de Lorcán Ua Tuathail an 11 Nollaig 1225, díreach ocht gcéad bliain ó shin. Chun é sin a chomóradh siúlfaimid tríd an Mainistir i nGleann Dá Loch. Tabharfaimid cuairt ar iarsmaí Mhainistir an tSlánaitheora, ar an Ardeaglais agus ar Theampall Rífhearta. Treoraí: Breandán Nóta: Má tá tuilleadh eolais nó síob uait téigh i dteagmháil linn ag [email protected] Treoracha go dtí tús na siúlóide: Lean an N11 go dtí Cill Mocheanóg. Gabh bealach amach 8 (i dtreo R755 agus An Tóchar - Roundwood). Ag an timpeallán, gabh an ceathrú bealach amach ar an R755 agus i ndiaidh 350m cas ar chlé ar an R755. Tar éis 23km cas ar chlé ar R755 sa Láithreach. I ndiaidh 700m, gabh ar dheis chuig an gcarrchlós. Nó lean an nasc seo ar GoogleMaps go dtí tús na siúlóide TREALAMH AGUS FEISTEAS RIACHTANACH Bí cinnte go bhfuil gach rud ar an liosta seo agat. Trealamh agus feisteas Nóta: Mura bhfuil tú i do bhall de Na Cnocadóirí beidh cead agat teacht linn ar dhá shiúlóid sléibhe in aon bhliain amháin, ach is éigean duit ríomhphost a mbeidh d'ainm agus d'uimhir ghutháin ann a chur chugainn roimh shiúlóid, mar aon le hainm agus le huimhir ghutháin duine eile (m.sh. neasghaol) lenar féidir linn dul i dteagmháil i gcás éigeandála. |
|