All Categories

Siúlóid Sléibhe - Dé Domhnaigh, 29 Eanáir 2023 - Gleann na Smól

21/1/2023

Beidh 2 shiúlóid againn
Siúlóid Mheánach: Gleann na Smól, Cipiúr, Suí Fionnagáin
Fad: 15 km, Dreapadh: 700 m
4 – 4.5 uair an chloig ag siúl.
Treoraí: Deaglán
----------------------------------------------
Siúlóid Éasca: Gleann na Smól, bun Chipiúr
Fad: 8 - 10 km, Dreapadh: 400 m
3 – 3.5 uair an chloig ag siúl
Treoraí: Seán
----------------------------------------------
Áit chruinnithe: Sráid Mhic Liam Íochtarach os comhair iar-oifigí BSL – Clifton Hall (Eircode D02 XP89). Imeoimid ag 10:00 r.n. go cruinn.(http://www.cnocadoiri.com/treoracha.html )
Nó
Tús na siúlóide: 10:45 ag carrchlós príobháideach ag barr Thaiscumar Bhóthar na Bruíne, (Tagairt Eangaí: O 10480 20706 nó N53.2255, W6.3465)
NB – Tosóimid ag siúl ag 11:00 r.n. go cruinn

Nóta: Má bhíonn tuilleadh eolais uait téigh i dteagmháil linn.

Treoracha go dtí tús na siúlóide: Ó chathair Bhaile Átha Cliath :- Gabh 6km ar an R114 (Ascaill Ghort an Ime - Butterfield Avenue ó Chaisleán Ráth Fearnáin) go Teach na Giúise (Firhouse) agus An Seanbhábhún (Old Bawn) agus lean díreach ar aghaidh. 550 m tar éis an Old Mill Tavern sa Seanbhábhún cas ar chlé ar Bhóthar Bhóthar na Bruíne. Lean an bóthar sin isteach sa Ghleann agus cas ar dheis tar éis 6 km. Sroichfidh tú an carrchlós ar thaobh na láimhe clé tar éis 500 m eile.
Nó lean an nasc seo ar Google Maps go dtí an carrchlós.

Tá uimhir ghutháin ag an gcarrchlós – 086 882 8415, agus costas €5 ar an bpáirceáil.

TREALAMH AGUS FEISTEAS RIACHTANACH
Bí cinnte go bhfuil gach rud ar an liosta seo agat – http://www.cnocadoiri.com/trealamh-agus-feisteas.html

Siúlóid - 15 Eanáir 2023, An Bhearú

9/1/2023

Siúlóid mheánach: Slí na Bearú ó Ghráig na Manach, go Tigh Moling (7 km), sean Mhainistir Thigh Moling (Saint Mullin's), agus ar ais ar an mbealach céanna.
Fad: 15 km, Dreapadh: 80 m
4 uair an chloig ag siúl, uair an chloig i gceantar na mainistreach, agus lón. Beimid ar ais i nGráig na Manach timpeall 4:00i.n.
Beidh an cosán fliuch in áiteanna, beidh gá le buataisí.
------------
Áit chruinnithe: Sráid Mhic Liam Íochtarach os comhair iar-oifigí BSL – Clifton Hall (Eircode D02 XP89). Bí ann ag 8:45 r.n. Imeoimid ag 9:00 r.n. go cruinn. (http://www.cnocadoiri.com/treoracha.html )Nó
Tús na siúlóide: Carrchlós ar Ché Ghráig na Manach, in aice le Halla na nGasóg, (Scout Den, Eircode R95FX02) díreach ag an abhainn.
(Tagairt eangaí - S 712 438 nó N52.5410, W6.9520.)
Bí ann ag 10:45 r.n. le bheith réidh chun tosú ag siúl ag 11:00 r.n.Is turas 130km é ó Bhaile Átha Cliath go Gráig na Manach - timpeall 1 uair 45 nóiméad.

Treoraí: Breandán
Nóta: Má bhíonn tuilleadh eolais uait nó má bhíonn síob uait go dtí tús na siúlóide téigh i dteagmháil linn .

Treoracha go dtí tús na siúlóide: Baile Átha Cliath go dtí tús an M7, 32km ar an M7 go dtí tús an M9, 52km go dtí bealach amach 6. Ansin tiomáin ar an R448 i dtreo Mhuine Bheag, via An Droichead Nua (Goresbridge) ansin ar an R703 go Gráig na Manach. Gabh tríd an bpríomhshráid go dtí an Ché.
Nó lean an nasc seo ar GoogleMaps go dtí tús na siúlóide

TREALAMH AGUS FEISTEAS RIACHTANACH
Bí cinnte go bhfuil gach rud ar an liosta seo agat. http://www.cnocadoiri.com/trealamh-agus-feisteas.html

Siúlóid Éasca - 8 Eanáir 2023, Gleann Dá Loch

22/12/2022

Nóta: Tosóidh an tsiúlóid ag 11:00 r.n.
Siúlóid Éasca: An carrchlós in aice leis an CLG / na Muilte Olla sa Láithreach, Gleann Dá Loch ar an gcosán uachtar, anuas in aice leis an eas agus ar ais ar an gcosán íochtar.
Mairfidh an tsiúlóid 2 – 2.5 huaire an chloig
Is féidir linn lón a fháil ina dhiaidh sin i Lynham's sa sráidbhaile.

Áit chruinnithe: Sráid Mhic Liam Íochtarach os comhair iar-oifigí BSL – Clifton Hall (Eircode D02 XP89). Imeoimid ag 9:30 r.n. go cruinn. (http://www.cnocadoiri.com/treoracha.html )
Nó
Tús na siúlóide: Carrchlós ag páirc imeartha an CLG sa Láithreach. (Tagairt eangaí – T 142 960 nó N53.0025, W6.2998). 600 m ó dheas ón Láithreach.
Bí ann ag 10:45 r.n. le bheith réidh chun tosú ag siúl ag 11:00 r.n.

Treoraí: Tadhg
Nóta: Má bhíonn tuilleadh eolais uait téigh i dteagmháil linn.

Treoracha go dtí tús na siúlóide:
Ag teacht ó Bhaile Átha Cliath: Téigh ar an M11 go Cill Mocheanóg, ansin ar an R755 go dtí an Tóchar agus an Láithreach. Cas ar chlé ag an Láithreach agus tar éis 600 m cas ar dheis ag an gcomhartha do na Muilte Olla (Woollen Mills). Tá an carrchlós ar thaobh clé an an mbóthar sin.
Nó lean an lean an nasc seo ar GoogleMaps go dtí tús na siúlóide.

Siúlóid Sléibhe - Dé Domhnaigh, 1 Eanáir 2023 - Doire Bán

18/12/2022

Nóta: Tosóidh an tsiúlóid ag 11:00 r.n.
Siúlóid chun tús a chur leis an mbliain nua
Siúlóid mheánach: An Láithreach, Slí Chualann, Sliabh an Doire Bháin
Fad: 12 km, Dreapadh: 500 m, 4.5 uair an chloig, agus beidh rogha ag daoine an bealach a ghiorrú.

Treoraí: Deaglán
Má bhíonn tuilleadh eolais nó síob go dtí tús na siúlóide uait, téigh i dteagmháil linn

Tús na siúlóide: Carrchlós ag páirc imeartha an CLG sa Láithreach. (Tagairt eangaí – T 142 960 nó N53.0025, W6.2998). 600m ó dheas ón Láithreach.
Bí ann ag 10:45 r.n. le bheith réidh chun tosú ag siúl ag 11:00 r.n.

Treoracha go dtí tús na siúlóide: Ó Bhaile Átha Cliath- Téigh ar an M11 go Cill Mocheanóg, ansin ar an R755 go dtí an Tóchar agus an Láithreach. Cas ar chlé ag an Láithreach agus tar éis 600 m cas ar dheis ag an gcomhartha do na Muilte Olla (Woollen Mills). Tá an carrchlós ar thaobh clé an an mbóthar sin.
Nó lean an lean an nasc seo ar GoogleMaps go dtí tús na siúlóide

TREALAMH AGUS FEISTEAS RIACHTANACH
Bí cinnte go bhfuil gach rud ar an liosta seo agat. http://www.cnocadoiri.com/trealamh-agus-feisteas.html

Siúlóid na Nollag- 17 Nollaig 2022, Binn Éadair

12/12/2022

Siúlóid éasca chun an Nollaig agus an Grianstad a cheiliúradh
Binn Éadair – ar an gcósta agus ar an gcnoc.

Teacht le chéile: 11:00 r.n. ag Stáisiún Dart Bhinn Éadair.
Imíonn traenacha ó Stáisiún Uí Chonghaile ar an Satharn ag 10:10 agus 10:31 a shroicheann Binn Éadair ag 10:35 agus 10:57 faoi seach.
Stopfaimid ar an trá agus beidh picnic bheag againn - cad faoi pióga mionra agus pórtfhíon te?
Mairfidh an tsiúlóid 3.5 huaire agus beimid ar ais sa sráidbhaile ~2:30 - 3:00 i.n.

Tar éis na siúlóide beidh deis againn greim bia a fháil, agus sólaistí eile - b'fhéidir san Abbey Tavern, ach tá neart áiteanna eile sa sráidbhaile.

Treoraí: Eileen
Nóta: Chun tuilleadh eolais a fháil, téigh i dteagmháil linn

TREALAMH AGUS FEISTEAS RIACHTANACH
Bí cinnte go bhfuil gach rud ar an liosta seo agat: Hata Nollag, geansaí Nollag, soilse gealánacha ar do mhála droma, beanna saorga fia, féasóg bhán, pióga mionra féiltiúla!
Chun an fhírinne a rá NÍL an trealamh sin riachtanach, ach ná déan dearmad do chóta báistí a thabhairt leat, agus bróga oiriúnacha don chosán a bheidh fliuch agus lábach in áiteanna.

Siúlóid - 11 Nollaig 2022, An Chanáil Ríoga

8/12/2022

TÁBHACHTACH - NÍ BHEIDH SIÚLÓID SLÉIBHE AGAINN
Dar le tuar na haimsire beidh sé an-fhuar, agus gach seans go mbeidh oighear dubh ar na bóithre sna sléibhte.
Mar sin beidh siúlóid againn ar bhruach na Canálach Ríoga, gan mórán dreaptha.

Siúlóid Mheánach/Éasca: Baile Phib, Bruach na Canálach Ríoga go Léim an Bhradáin.
Fad na siúlóide - 16 km, 4 uair an chloig ag siúl.

Tús na siúlóide: Droichead na gCrosghunnaí (Crossguns Bridge) i mBaile Phib in aice Theach Tábhairne Brian Boru (Eircode D09 PP93, tagairt eangaí N53.3645, W6.2719 agus seo an nasc ar GoogleMaps).
Bí ann ag 10:45 r.n. le bheith réidh chun tosú ag siúl ag 11:00 r.n.
Tar éis na siúlóide tiocfaimid ar ais ar an traein ó Léim an Bhradáin.

Treoraí: Seán
Nóta: Má bhíonn tuilleadh eolais uait téigh i dteagmháil linn.

Treoracha go dtí tús na siúlóide:
Is féidir gabháil ar bhusanna 4, 9, 83, 83A, 140, 155 go stad 199 díreach roimh Dhroichead na gCrosghunnaí.

<<Previous

Forward>>

Siúlóid Sléibhe - Dé Domhnaigh, 29 Eanáir 2023 - Gleann na Smól

Siúlóid - 15 Eanáir 2023, An Bhearú

Siúlóid Éasca - 8 Eanáir 2023, Gleann Dá Loch

Siúlóid Sléibhe - Dé Domhnaigh, 1 Eanáir 2023 - Doire Bán

Siúlóid na Nollag- 17 Nollaig 2022, Binn Éadair

Siúlóid - 11 Nollaig 2022, An Chanáil Ríoga

Eolas fúinn

Do Bhallraíocht

Rannóga